Hatangajwe ahatazakorwa umuganda usoza Gashyantare 2023

Hatangajwe ahatazakorwa umuganda usoza Gashyantare 2023
Mu mujyi wa Kigali no mu Mirenge ya Nyamata na Ntarama ntihazakorwa umuganda usoza Gashyantare kubera isiganwa ry'amagare

Kuri uyu wa Gatandatu taliki ya 25 Gashyantare 2023 umuganda uzakorwa ku rwego rw’Umudugudu mu gihugu hose usibye mu Mujyi wa Kigali n’Imirenge ya Nyamata na Ntarama mu Karere ka Bugesera hazakinirwa irushanwa ry’umukino w’amagare.

Muri uyu muganda hazibandwa ku bikorwa byo kubakira abaturage batishoboye amacumbi n’ubwiherero; guhanga no gutunganya imihanda; guhanga no gusibura imirwanyasuri; gusibura inzira z’amazi n’ibindi.

Mu rwego rwo guteza imbere umuganda ushingiye ku bumenyi, Uturere twose turasabwa gutegura uburyo abantu bafite ubumenyi bwihariye bazakora umuganda ujyanye n’ubumenyi bwabo no kumenyesha abaturage aho ibyo bikorwa bizabera. Urugero: Abaganga bazapima abaturage indwara zitandura…

Nyuma y’umuganda hazaganirwa ku ngingo zikurikira, aho Ubutumwa bwa Minisiteri y’Ubutegetsi bw’Igihugu MINALOC buzibanda ku isuku  bukangurira abaturwanda kwita ku isuku ku mubiri n’imyambaro n’ubwiherero; isuku mu ngo zacu n’ahadukikije n’isuku ku matungo.

Minisiteri y’Uburinganire n’Iterambere ry’Umuryango MIGEPROF, yo izagaruka ku butumwa bujyanye no kwizihiza umunsi mpuzamahanga w’Umugore uba taliki ya 8 Werurwe.

Gusibura no guhanga imirwanyasuri ni kimwe mu bikorwa biteganyijwe mu muganda usoza ukwezi kwa Gashyantare 2023 (Foto Akarere ka Gakenke)
Nyuma y’umuganda, haganirwa ku ngingo ziba zateguwe kugezwa no gusobanurirwa abaturage
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27