Goma: AFC/M23 yijeje amazi n’amashanyarazi mu masaha 48   

Goma: AFC/M23 yijeje amazi n’amashanyarazi mu masaha 48   

Ihuriro AFC ry’imitwe ya politiki n’uwitwaje intwaro wa M23 urwanya ubutegetsi bwa Repubulika Iharanira Demokarasi ya Congo, wijeje abatuye Umujyi wa Goma kongera gucanirwa no kuwuha amazi.

Ibi bitangajwe mu gihe Umujyi wa Goma wagizweho n’ingaruka z’intambara yashyamiranyije ingabo za Leta ya Repubulika iharanira Demokarasi ya Congo n’indi mitwe byari bifatanyije bityo bigatuma Umujyi ubura amazi n’amashanyarazi.

Umuyobozi wa AFC/M23, Corneille Nangaa, yabigarutseho kuri uyu wa Kane tariki 30 Mutarama 2025 mu kiganiro yagiranye n’itangazamakuru mu Mujyi wa Goma mu Ntara ya Kivu y’Amajyaruguru mu Burasirazuba bwa Congo.

Nangaa yavuze ko binjiye mu Mujyi wa Goma bagasanga ari Umujyi wahungabanye Leta yarakupye amazi n’umuriro ariko ko iki kibazo kigiye gukemuka.

Yagize ati: “Ubuzima bw’abasivili mu Mujyi tugiye gushyiraho itsinda rigarura ubuzima hagamijwe iterambere ry’abaturage ndetse n’ubutabazi.

Mu masaha 24 amashanyarazi n’amazi biraba byabonetse mu Mujyi wa Goma.”

Nangaa, Umuyobozi w’Ihuriro AFC ry’imitwe ya politiki n’uwitwaje intwaro wa M23, yijeje abatuye Umujyi wa Goma ko batangira gushyira mu bikorwa ibijyanye n’isuku n’isukura.

Yavuze ko kugeza ubu amashanyarazi arimo gukorwa kuko hari n’uduce two muri Goma twatangiye kuyabona.

Igihe cyidasanzwe (Etat d’urgence) cyarangiye ahubwo hakurikiyeho igihe cy’ituze.

Mu gihe hagitekerezwa icyakorwa ngo Umujyi wa Goma kimwe n’utundi duce umutwe wa M23 wafashe birusheho gutekana no gutera imbere, ubuyobozi bw’uyu mutwe bwavuze ko burimo gukorana n’abayobozi b’amabanki kugira ngo atangira gukora ndetse n’ubucuruzi bukomeze uko bwari bisanzwe.

Amafoto: Tuyisenge Olivier

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27