Gloria Bugie ntakozwa ibyo guhabwa impano y’indabo kuri Saint Valentin

Gloria Bugie ntakozwa ibyo guhabwa impano y’indabo kuri Saint Valentin

Umuhanzi wo muri Uganda Gloria Bugie yateye utwatsi abari bafite ibitekerezo byo kumuha impano y’indabo ku munsi wizihizwa n’abakundana uzwi nka Saint Valentin, avuga ko adakunda impano z’indabo.

Yabigarutseho mu kiganiro yagiranye n’itangazamakuru kuri uyu wa Gatanu tariki 13 Gashyantare 2026, avuga ko yiteguye kandi byemewe cyane.

Ubwo Gloria Buggie, yari abajijwe niba byemewe ko hari umufana wamuha impano kuri Saint Valentin, avuga ko ntacyo bitwaye icyo adakeneye ari umwoherereza indabo.

Yagize ati: “Niba hari ushaka kumpa impano za Saint Valentin, kuki se bitaba? Murisanga ndi ingaragu. Impano nifuza ni ubutaka i Kampala n’amafaranga yo kubwubaka. Sinshaka indabo kuko zirabora. Ayo mafaranga wayampa mu ntoki ni byo byiza.”

Bugie avuze ibi nyuma y’iminsi irindwi gusa amaze ashyize hanze indirimbo nshya yise ‘Cherie’ bigatuma yibasirwa ku mbuga nkoranyambaga kubera imyambarariye ye muri ayo mashusho bivugwa ko iba ishotorana.

Harabura amasaha make ngo St Valantin igere kuko wizihizwa tariki 14 Gashyantare buri mwaka, ni umunsi ufatwa nk’udasanzwe ku bantu bakundana ndetse usanga abadafite abo bakundana bigunze kuri uwo munsi.

Gloria Buggie azwi mu ndirimbo zitandukanye zirimo Nyash, Tukilimu, Sagala yakoranye na A Pass, Cherie aherutse gukora n’izindi.

Ubusanzwe amazina nyakuri ya Bugie ni Gloria Busingye, yigeze gutangaza ko akiri muto kandi ari ingaragu, ko atifuza kwinjira mu mubano w’urukundo kuko ubu yibanze ku muziki.

Gloria Buggie yagaragaje ko yifuza abamuha impano y’ubutaka mu mwanya w’indabo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27