Gicumbi: Intore 996 zasoje urugerero zasabwe gukomeza gukemura ibibazo by’abaturage

Gicumbi: Intore 996 zasoje urugerero zasabwe gukomeza gukemura ibibazo by’abaturage
Intore zasoje urugererero zashimiwe ko zakoze neza (Foto Akarere ka Gicumbi)

Intore 996 zo mu Karere ka Gicumbi zasoje urugerero zakanguriwe gukomeza gukemura ibibazo bibangamiye imibereho myiza y’abaturage.

Izo ntore zose zitabiriye urugerero ni abanyeshuri barangije amashuri yisumbuye mu mwaka w’amashuri 2020-2021 zikaba mu byo zakoze, zaribanze ku gukemura ibibazo bikibangamiye imibereho myiza y’abaturage (Human Siocial Security Issues) mu cyongereza.

Umuyobozi w’Akarere ka Gicumbi, Nzabonimpa Emmanuel yasabye urwo rubyiruko rusoje urugerero kuguma mu ngamba zo gukemura ibibazo by’abaturage.

Meya Nzabonimpa Emmanuel yagize ati: “Mwe ntore ndabibutsa ko n’ubwo urugerero rushojwe, musabwa gukomeza kuguma mu ngamba zo guhangana n’ibibazo bikibangamiye abaturage bafatanyije n’izindi nzego zababanjirije no gukomeza ubukangurambaga mu kwirinda COVID-19”.

Meya w’Akarere ka Gicumbi Nzabonimpa Emmanuel yibukije Intore zisoje urugerereo ko zisabwa gukomeza guhangana n’ibikibangamiye imibereho myiza y’abaturage (Foto Akarere ka Gicumbi)

Uwavuze ahagarariye izo ntore zisoje urugerereo yijeje ko nta kabuza koko bazakomeza kuguma mu ngamba, bagafatanya n’abandi bayobozi gukomeza gukemura ibibazo by’abaturage.

Uru rugerero rwabaye uyu mwaka wa 2022 rufite insanganyamatsiko igira iti: “Duhamye umuco w’ubutore ku rugerero rwo kwigira” rukaba mu karere kose rwaritabiriwe n’intore 996 zirimo abahungu 413 n’abakobwa 583 zose zikaba zashimiwe ko zakoze neza.

Inzego zitandukanye harimo n’izishinzwe umutekano zari zitabiriye uwo muhango (Foto Akarere ka Gicumbi)
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27