Gasabo: Polisi yataye muri yombi abagabo bakekwaho gucuruza urumogi

Gasabo: Polisi yataye muri yombi abagabo bakekwaho gucuruza urumogi

Ishami rya Polisi rishinzwe kurwanya ibiyobyabwenge (ANU), rikorera mu Mujyi wa Kigali mu Karere ka Gasabo, ryatangaje ko ku itariki ya 26 Nyakanga 2026, ryafatiye mu Murenge wa Remera, Akagali ka Rukiri II, Umudugudu w’Ubumwe, abasore babiri bacuruza ikiyobwenge cy’urumogi.

Mu batawe muri yombi harimo uwitwa Dushimimana Gad uri mu kigero cy’imyaka 24 na Mayira Eric ufite imyaka 27.

Umuvugizi wa Polisi mu Mujyi wa Kigali, CIP Wellars Gahonzire, yavuze ko abasore batawe muri yombi bakekwaho urumogi, bakaba bafashwe bafite udupfunyika 274 n’inusu y’urumogi rudapfunyitse, nkuko byemejwe na Polisi.

CIP Gahonzire agira ati: “Bafashwe barutwaye kuri moto Bajaj Boxer ifite pulaki RAI 522 S bakoresha barutunda. Aba basore bafashwe biturutse ku makuru yatanzwe n’abaturage ko basanzwe bazwiho gucuruza urumogi, bafatiwe mu cyuho barutwaye kuri moto barushyiriye abakiriya babo.”

Akomeza agira ati: “Kuba abaturage batanga amakuru urumogi nk’uru rugafatwa rutarakwirakwizwa mu baturage, ni ikimenyetso kigaragaza ko abaturage bamaze kumenya ububi bw’ibiyobyabwenge, ariko bikanashimangira ko hari abaturage bakishora mu bikorwa byo gucuruza no kunywa ibiyobyabwenge kandi bigihari mu baturage.”

Polisi y’u Rwanda irashimira abaturage batanga amakuru, ariko ikanabibutsa gukomeza gutanga amakuru kugira ngo n’abandi batarafatwa na bo bafatwe. Abishora mu bikorwa by’ibiyobyabwenge baragirwa inama yo kubireka kuko ubifatanwe ahanwa birimo no gufungwa igihe kirekire.

Ati: “Ibiyobyabwenge birangiza tubyirinde tubirinde n’abacu.”

Abafatanwe urumogo bafungiye kuri Sitasiyo ya Polisi ya Remera aho bategereje gukorerwa dosiye kugira ngo bashyikirizwe Urwego rw’Ubugenzacyaha (RIB).

Inkuru ya Polisi

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27