FERWAFA yemereye amakipe yo muri Sudani gukina muri Rwanda Premier League

FERWAFA yemereye amakipe yo muri Sudani gukina muri Rwanda Premier League

Ishyirahamwe ry’Umupira w’Amaguru mu Rwanda ryatangaje ko ryemereye amakipe ya Al-Merrikh, Al Hilal SC Omdurman na Al Ahli SC Wad Madani gukina muri Shampiyona y’icyiciro cya mbere mu Rwanda.

Ni mu itangazo yashyize hanze kuri uyu wa Gatanu, tariki ya 24 Ukwakira 2025.

Aya makipe yose yasabye gukina mu Rwanda nyuma yuko muri Sudani nta shampiyona ihaba kuva muri Mata 2023 kubera intambara.

Aya makipe kandi ari gushaka uburenganzira butangwa na CAF mbere yo gutangira gukina muri Rwanda Premier League.

Mu mwaka ushize w’imikino, Al Hilal na Al-Merrikh zombi zakinnye muri Shampiyona ya Mauritania ndetse birangira Al-Hilal ari yo ibaye iya mbere, aho yahawe igihembo mu mwanya w’igikombe.

Gusa ntibyabujije ko amakipe yombi asubira muri Sudani gukina irushanwa ryahuje amakipe umunani ya mbere kugira ngo hamenyekane azahagararira icyo gihugu mu mikino Nyafurika ya 2025/26.

Biteganyijwe ko ntahindutse aya makipe azatangira gukina ku munsi wa gatandatu wa Shampiyona.

Amakuru avuga ko hari amafaranga aya makipe yatanze, ndetse buri kipe yo muri shampiyona y’u Rwanda, izahabwa miliyoni 4 n’ibihumbi 500 (4 500 000) y’u Rwanda,  nk’inkunga yagenewe na FERWAFA.

Al Hilal na Al-Merrikh zigiye guhurira muri Shampiyona y’u Rwanda
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27