Fall Ngagne yasubukuye imyitozo muri Rayon Sports

Fall Ngagne yasubukuye imyitozo muri Rayon Sports

Rutahizamu wa Rayon Sports, Fall Ngagne umaze igihe afie ikibazo cy’imvune, yasubukuye imyitozo kuri uyu wa Gatatu nyuma yo kugera mu Rwanda avuye mu gihugu cye cya Senegal, ku wa Kabiri.

Mu gitondo cyo kuri uyu Gatatu, ni bwo Rayon Sports yakoze imyitozo yitegura umukino uzayihuza na APR FC muri “FERWAFA Super Cup” uteganyijwe ku wa Gatandatu, tariki ya 10 Mutarama 2026.

Ni imyitozo yagaragayemo Fall Ngagne wari umaze igihe atagaraga nyuma yaho mu Ukuboza 2025, yasabye uruhushya avuga ko agiye kwita kuri nyina, gusa aratinda bituma Rayon Sports imwandikira imusaba kwihutira kugaruka mu ikipe.

Ngagne aheruka gukinira Rayon Sports mu mpera za Gashyantare 2025, ubwo yavunikiraga i Huye mu mukino wahuje iyo kipe n’Amagaju FC.

Uyu mukinnyi wari warabazwe, yasubukuye imyitozo mu Ugushyingo ariko kuva icyo gihe ntiyigeze akina, Rayon Sports ikavuga ko kutamukinisha ari ugukurikiza amabwiriza y’abaganga.

Mbere yo kugira ikibazo cy’imvune, uyu Munya-Sénégal ni we wari umaze kwinjiza ibitego byinshi 13 muri Shampiyona y’u Rwanda ya 2024/25.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27