Edgar Lungu wahoze ari Perezida wa Zambia yapfuye

Edgar Lungu wahoze ari Perezida wa Zambia yapfuye

Ishyaka rya Patriotic Front ryatangaje ko Perezida wahoze ayobora Zambia, Edgar Lungu, yitabye Imana afite imyaka 68.

Iryo shyaka ryavuze ko yari ari kwitabwaho n’abaganga b’inzobere muri Afurika y’Epfo kubera indwara itatangajwe.

Edgar Lungu yayoboye Zambia mu gihe cy’imyaka itandatu kuva mu 2015, aza gutsindwa amatora n’umukuru w’igihugu uriho ubu, Hakainde Hichilema.

Mu butumwa yatanze ku mashusho umukobwa wa Lungu yatangaje ko se yari amaze ibyumweru bike akurikiranwa n’abaganga, akaba yitabye imana mu gitondo cyo kuri uyu wa Kane ahagana saa kumi n’ebyiri.

Yakomeje agira ati: “Muri uyu mwanya w’akababaro mpamagaje umwuka wa Zambia Imwe, Igihugu Kimwe, ingobyi y’iteka yayoboye imirimo ya Perezida Lungu ku gihugu cyacu.”

Mu mwaka wa 2015, Perezida Lungu yabaye Perezida nyuma yo gutsinda amatora adasanzwe yashyizweho nyuma y’urupfu rutunguranye rw’uwari Perezida Michael Sata.

Nyuma yo kurangiza manda ya Sata, Lungu yongeye gutsindira kuyobora indi manda y’imyaka itanu yahereye mu 2016 kuko yari yabonye amajwi ari hejuru ya 50%.

Gusa amaze imyaka itandatu abaturage bagaragaje ko batishimiye imiyoborere ye yaranzwe n’ihungabana ry’ubukungu n’ubushomeri bwatumbagiye.

Mu matora yo mu 2021 yatsinzwe na Hakainde Hichilema wagiye ku buyobozi mu gihe yari yishimiwe cyane.

Nyuma yo gutsindwa, Lungu yari yarahagaritse ibikorwa bya politiki, ariko nyuma yaje kongera kugaruka mu ruhando rwa politiki, agaragaza ko ashobora kuba afite umugambi wo kongera kwiyamamariza kuyobora Igihugu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27