Dr. Ngirente mu Bakuru b’Ibihugu batashye umuhanda muri Tanzania

Dr. Ngirente mu Bakuru b’Ibihugu batashye umuhanda muri Tanzania

Muri iki gitondo, Minisitiri w’Intebe Dr. Edouard Ngirente yifatanyije n’Abakuru b’Ibihugu bo mu Muryango w’Afurika y’Iburasirazuba Gikorwa) mu gikorwa cyo gutaha umuhanda uhuza Arusha na Namanga.

Uyu muhanda wa kaburimbo w’ibilometero 42.4 wiswe Arusha Bypass, ukaba uturuka ahitwa Ngaramtoni, ugahurira n’umuhanda wa Dodoma ahitwa Kisongo ugakomeza werekeza ahitwa Usa.

Uyu muhanda witezweho kunganira usanzwe ukoreshwa cyane wa Moshi – Arusha ukazoroshya urujya n’uruza rw’abantu n’ibicuruzwa biva ku cyambu cya Mombasa byerekeza mu muhora wo hagati bihingukiye ahitwa Singida.

Ku wa Kane taliki ya 21 Nyakanga, ni bwo Minisitiri w’intebe Dr. Edouard Ngirente yitabiriye umwiherero wo hejuru w’Abakuru b’Ibihugu bya EAC ku Isoko Rusange ry’uyu Muryango w’abanyamuryango barindwi, ahagarariye Perezida wa Repubulika y’u Rwanda Paul Kagame .

Dr. Ngirente yavuze ko Umuryango w’Afurika y’iburasirazuba (EAC) ushobora kugabanya igiciro cy’ubwikorezi bwo mu kirere no kongera ubwisanzure muri ubwo bwikorezi hagati y’ibihugu, ariko ko bisaba ubushake bwa politiki, no gukuraho inzitizi zose muri serivisi zitwara abantu mu kirere

Yagize ati: “DUkwiye gukuraho imbogamizi yose kuri serivisi zo gutwara abantu n’ibintu mu ndege. Hari ibyemezo bimwe na bimwe byafashwe mu myaka isaga 10 ishize; Amasezerano ya Yammossoukro. Dufaseh ayo masezerano tugatangira kuyashyira mu bikorwa muri EAC, ntekereza ko twakoroherwa cyane n’ubwikorezi bwo mu kirere.”

Amasezerano ya Yammossoukro yasinywe na ba Minisitiri bashinzwe Ubwikorezi mu mwaka wa 1990, akaba yarasabaga ibihugu by’Afurika gufungura imikoranire isesuye mu hwikorezi bwo mu kirere ndetse n’ibiciro by’ingendo ku mugabane bikagabanywa.

Ni amasezerano asaba ibihugu guhuriza hamwe gahunda z’ubwikorezi bwo mu kirere no kwimakaza amasoko y’ubwikorezi bwo mu kirere muri Afurika ugereranyije n’ubwikorezi bukorwa n’ibigo by’indege bituruka ku yindi migabane.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27