Dr. Agnes Kalibata yashyizwe muri Komite Ngishwanama ya Perezida wa COP28

Dr. Agnes Kalibata yashyizwe muri Komite Ngishwanama ya Perezida wa COP28

Dr. Agnes Kalibata yashyizwe muri Komite Ngishwanama ya Perezida w’Inama y’Umuryango w’Abibumbye yiga ibijyanye n’imihindagurikire y’ibihe y’uyu mwaka (COP28).

Ni inama mpuzamahanga izabera muri Leta Zunze Ubumwe z’Abarabu (UAE), mu Gushyingo uyu mwaka.

Inama ya COP ni inama mpuzamahanga ihuriwemo n’ibihugu bigize uwo muryango n’abandi bafatanyabikorwa irebera hamwe ingamba zikwiye gufatwa na politiki ikurikizwa mu kurwanya imihindagurikire y’ibihe.

COP28 izaba ari urubuga rukomeye ruzahuza ibihugu, imiryango, ndetse n’abafatanyabikorwa baturutse hirya no hino ku Isi kugira ngo barebe icyakorwa mu gukemura ibibazo by’imihindagurikire y’ikirere.

Dr. Kalibata nk’umwe mu bagize Komite Ngishwanama ya Perezida wa COP28, azagira uruhare mu bikorwa bitandukanye birimo kuyobora ibiganiro no gushyira mu bikorwa ingamba zo kugabanya ingaruka z’imihindagurikire y’ibihe.

Mu butumwa yashyize ahagaragara nyuma yo guhabwa uyu mwanya, Dr. Kalibata yagize ati: “Nejejwe no kujya muri komite ngishwanama ya Perezida w’Inama ya COP28 ku bijyanye n’imihindagurikire y’ibihe. 

Nta kintu cy’ingenzi uyu munsi kurusha guhuriza hamwe kugira ngo tugire uruhare mu bikorwa byo kurwanya imihindagurikire y’ikirere. Imihindagurikire y’ibihe irimo iragenda ihinduka ikibazo gikomeye cyugarije uyu mubumbe wacu, kandi ndumva twiyimeje gukorana n’abandi bafatanyabikorwa kugira ngo tubashe gukemura iki kibazo. 

Niteguye kubasangiza ubunararibonye bwanjye no gukorana n’abandi banyamuryango kugira ngo hagire ibikorwa mu buryo bwihuse kandi bifite ireme.”

Dr. Agnes Kalibata yabaye Minisitiri w’Ubuhinzi n’Ubworori mu Rwanda kuva mu mwaka wa  2008 kugeza 2014, akaba kuri ubu ayoboye Umuryango wa  AGRA kuva mu mwaka wa 2014.

Dr. Kalibata ni impuguke mu by’ubuhinzi  kuri ubu uyoboye Umuryango Nyafurika uharanira Iterambere ry’Ubuhinzi (AGRA). 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27