Dominican Republic: Abantu 98 bapfiriye mu kabyiniro abarenga 100 barakomereka

Dominican Republic: Abantu 98 bapfiriye mu kabyiniro abarenga 100 barakomereka

Ubuyobozi bwa Repubulika ya Dominican bwatangaje ko igisenge cyo mu kabyiniro cyagwiriye abantu bari bakarimo 98 barapfa, abarenga 150 barakomereka.

Iyo mpanuka yo mu kabyiniro ko mu Murwa Mukuru Santo Domingo, yahitanye Guverineri w’intara n’umukinnyi wa Baseball, Octavio Dotel wapfiriye mu nzira ajyanwa mu bitaro.

Ibyo byabaye mu rukerera rwo ku wa Kabiri mu gitaramo cy’umuhanzi uzwi cyane witwa ‘Rubby Pérez’ na we uri mu bahitanywe n’iyo mpanuka nk’uko byatangajwe n’ureberera inyungu ze mu by’ubuhanzi (Manager).

Ikinyamakuru BBC cyatangaje ko Umuyobozi w’ikigo gishinzwe ibikorwa byihutirwa muri iki gihugu, Juan Manuel Mendez yavuze ko umubare w’abapfuye ugeze kuri 98, ariko hari icyizere ko bamwe mu bagwiriwe n’igisenge bagishakishwa bashobora gusangwa ari bazima.

Mendez yavuze ko ibikorwa by’ubutabazi bigikomeje nubwo umubare w’abari mu kabyiniro ka ‘Jet Set’ utaramenyekana neza.

Ibitangazamakuru byaho byavuze ko igisenge cyagwiriye ibyamamare bitandukanye ndetse n’Abanyepolitiki, abakinnyi n’abandi bakomeye.

Bivugwa ko umubare w’abari mu kabyiniro igihe impanuka yabaga uri hagati y’abantu 500 na 1 000.

Igisenge cyo mu kabyiniro cyaguye, 98 barapfa abarenga 150 barakomereka
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27