Dalyce Curry yitabye Imana azize inkogi y’umuriro

Dalyce Curry yitabye Imana azize inkogi y’umuriro

Umukinnyi wa filime wo muri Amerika, Dalyce Curry uzwi cyane nka Momma D, yasanzwe iwe mu rugo i Los Angeles yitabye Imana aho yazize inkongi y’umuriro.

Ni inkuru yatangajwe n’ubuyobozi bwo mu mujyi wa Los Angeles, batangaza ko umubiri we wasanzwe mu itongo rye, aho yabaga hakaba haherutse gushya kubera inkongi y’umuriro imaze iminsi yibasiye uwo mujyi.

Bagize bati: “Yego ni byo Dalyce Curry yitabye Imana, umubiri we wabonetse mu isambu y’aho yari atuye.”

Nyuma y’uko ubuyobozi bw’aho yari atuye bwemeje inkuru y’urupfu rw’uyu mukinnyi wa filime wo muri Hollywood, byanashimangiwe n’umwuzukuru we Dalyce Kelley wabyanditse kuri Facebook.

Yanditse ati: “Twagize ibiza bikomeye, byagize ingaruka ku buzima bwanjye mu buryo bwinshi butandukanye. Iki ni igihombo gikabije, ruhukira mu mahoro Momma D”

Dalyce Curry yamenyekanye cyane muri filime zitandukanye zirimo Blues Brothers, Lady Singing Blues, The 10 Commandments n’izindi.

Uyu mugore wamamaye mu ruhando rwa Sinema yitabye Imana afite imyaka 95 y’amavuko.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27