Cuba: Minisitiri yegujwe ashinjwa gushinyagurira abasabiriza

Cuba: Minisitiri yegujwe ashinjwa gushinyagurira abasabiriza

Minisitiri w’Abakozi n’Umurimo muri Cuba, Marta Elena Feitó Cabrera, yeguye ku mirimo ye nyuma yo kuvuga ko nta bantu basabiriza baba muri icyo gihugu ahubwo babikora nkana bagamije kubona amafaranga batavunikiye.

BBC yatangaje ko ubwo yari mu Nteko Ishinga Amategeko mu ntangiriro z’iki Cyumweru,  Marta yahakanye ko hari abarya ibyajugunywe mu ngarane  ahubwo biyoberanya ngo bagirirwe impuhwe bahabwe iby’ubusa.

Ayo magambo ye yakuruye impaka muri rubanda ndetse atuma Perezida icyo gihugu Miguel Díaz-Canel abigarukaho, nyuma aza guhita yegura ku mirimo ye.

Perezida Miguel Díaz-Canel nubwo atigeze avuga mu izina abo anenga ariko yavuze ko abayobozi badakwiye gusuzugura abaturage cyangwa ngo bitandukanye n’ukuri kw’imibereho yabo.

Minisitiri Marta yavuze ko abantu bagaragara mu myanda ari abinjiye muri ako kazi ngo bayitunganye mu buryo butemewe n’amategeko.

Ibyo byatumye Minisitiri anengwa ku mugaragaro nubwo ari ibintu bidakunze kubaho muri Cuba, kandi imyigaragambyo igamije kunenga ubutegetsi ntiyemewe n’amategeko ndetse umuntu ushobora gutanga ibitekerezo bitavuga rumwe n’ubutegetsi ashobora gufungwa.

Ubukene n’ibura ry’ibiribwa bikomeje gufata indi ntera muri Cuba ndetse icyo gihugu gikomeje guhangana n’icyuho gikabije cy’ubukungu.

Ikibazo cy’ibura ry’ibiribwa, ubushomeri, guhenda kw’ibikomoka kuri peteroli nabyo bikomeje kurushaho kwiyongera muri icyo gihugu ndetse abantu basabiriza n’abarara ku mihanda barushaho kuba benshi.

Minisitiri Cuba yegujwe nyuma yo kuvuga ko abarya ibyajugunywe ari ibyo baba bigira
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27