Côte d’Ivoire: Umunyarwanda yitwaye neza mu iserukiramuco rya Masa Africa

Côte d’Ivoire: Umunyarwanda yitwaye neza mu iserukiramuco rya Masa Africa

Umuhanzi Munezero Eric Prince wamenyekanye nka Vex Prince ni umwe mu bahanzi b’Abanyafurika wagaragaye mu iserukiramuco ryateguwe na ‘MASA Africa’ imwe mu nzu ziberamo amarushanwa akomeye ku mugabane wa Afurika. Ni amarushanwa ahuza abahanzi b’ingeri zitandukanye barimo abaririmbyi, ababyinnyi, abakinnyi b’ikinamico n’abandi baturutse hirya no hino ku Isi.

Vex Prince yitabiriye iserukiramuco ryabereye i Abidjan muri Côte d’Ivoire mu mpera z’icyumweru gishize. Yagize umwanya wo kumenyekanisha impano mu cyumba mberabyombi ‘Marché des Arts du Spéctacle Africain d’Abidjan’ cyari cyitabiriwe n’ibihumbi by’abafana.

Muri uyu mwaka wa 2026, iri serukiramuco ryitabiriwe n’abahanzi batoranyijwe hashingiwe ku bipimo byo ku rwego rwo hejuru birimo ubwiza bw’ibihangano (quality of work), ubunyamwuga ndetse n’icyizere cy’iterambere ryabo mu muziki.

Vex Prince, umuhanzi w’umunyarwanda witabiriye iserukiramuco (festival) ku nshuro ye ya mbere, yishimira intambwe akomeje gutera mu muziki akora. Ati: “Birashimisha kubona Umunyarwanda nkanjye nitabira iserukiramuco riba ryahuje abahanzi bakomeye ku rwego rw’Afurika, ni ikintu nishimira kuko bigaragaza ko ibyo nkora bikurikirwa kandi bikunzwe.”

Yavuze ko gutoranywa kwe mu kwitabira MASA 2026, ari ikimenyetso cy’uko impano ye yemewe ku rwego mpuzamahanga, ndetse n’umuziki nyarwanda ukomeje kwaguka ukagera kure.

Vex Prince yatangiye umuziki mu 2022. Amashuri yisumbuye yayize muri Sunrise High School i Musanze mu Ntara y’Amajyaruguru mu bijyanye n’Ubumenyamuntu, Ubutabire ndetse n’Ibinyabuzima. Muri Kamena 2025 yamuritse album ye ya mbere yise ‘Levitation’.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27