Club World Cup: PSG yanyagiye Real Madrid isanga Chelsea kuri finale

Club World Cup: PSG yanyagiye Real Madrid isanga Chelsea kuri finale

Paris Saint-Germain yanyagiye Real Madrid ibitego 4-0 mu mukino ½ cy’Igikombe cy’Isi cy’Amakipe, isanga Chelsea ku mukino wa nyuma (finale).

Uyu mukino wabaye mu ijoro ryo ku wa Gatatu tariki ya 9 Nyakanga 2025, ku kibuga cya MetLife Stadium muri Leta ya New Jersey, warebwe n’abafana basaga ibihumbi 77.

Real Madrid yatangiranye amakosa menshi mu bwugarizi, byatumye umunyezamu wayo Thibaut Courtois akuramo imipira ibiri ikomeye mu minota itanu ya mbere.

Bidatinze ku munota wa gatandatu, Paris Saint-Germain yafunguye amazamu, ku gitego cyatsinzwe na Fabián Ruiz ku mupira na Ousmane Dembélé.

Nyuma y’iminota ibiri, ubwugarizi bwa Real Madrid bwongeye gukora amakosa maze Dembélé abutwara umupira, atsinda igitego cya kabiri.

Nyuma yo gutsindwa Real Madrid yahise ijya ku gitutu cyo kwishyura hakiri kare.

Paris Saint Germain yarushaga Real Madrid yabonye igitego cya gatatu ku munota wa 24 gitsinzwe na Fabián Luiz nyuma yo guherezwa na Achraf Hakimi.

Igice cya mbere cyarangiye PSG inyagiye Real Madrid ibitego 3-0 bya Fabian Ruiz na Ousmane Dembélé.

Paris Saint Germain yakomeje gukina neza mu gice cya kabiri irusha cyane Real Madrid yagaragazaga ko itari mu mukino.

Ku munota wa 87’, Rutahizamu Gonçalo Ramos yatsinze agashinguracumu ku mupira yahawe na Barcola.

Umukino warangiye Paris Saint-Germain inyagiye Real Madrid ibitego 4-0, isanga Chelsea yasezereye Fluminense muri 1/2 iyitsinze ibitego 2-0.

Biteganyijwe ko mukino wa nyuma uzakinwa ku Cyumweru tariki ya 13 Nyakanga 2025, kuri MetLife Stadium muri Leta ya New Jersey, Saa Tatu z’Ijoro.

Ousmane Dembélé yishimira igitego yatsinze
Modrić yakinnye umukino we wa nyuma muri Real Madrid yari amazemo Imyaka 13 mbere yo kwerekeza muri Milan AC
Fabian Ruiz yatsinze ibitego bibiri mu gice cya mbere
Ibyishimo byari byinshi ku bafana ba Paris Saint-Germain bari baje gushyigikira Ikipe yabo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27