Chameleone yemeje ko uburwayi bwe yabutewe n’inzoga nyinshi

Chameleone yemeje ko uburwayi bwe yabutewe n’inzoga nyinshi

Umuhanzi Chameleone wo muri Uganda, yemeje ko indwara yo kubyimba kw’inyama y’urwagashya (Pancreatitis), amaze igihe avurirwa muri Leta Zunze Ubumwe za Amerika ko yayitewe n’inzoga nyinshi.

Mu kiganiro yagiranaga n’itangazamakuru nyuma yo kugera mu gihugu cye avuye kwivuriza muri Amerika, yavuze ko arimo kurwana intambara zo kugabanya inzoga.

Yagitize ati: “Ndashima Imana yambaye hafi hamwe n’abantu bose bakomeje kunsengera, ubuyobozi bwamfashije kujya kwivuza, ubu ndimo kwivuza indwara yo kubyimba kw’inyama y’urwagashya iterwa ahanini n’inzoga nyinshi kandi ngomba kuzigabanya.”

Nubwo yagarutse muri Uganda, uyu muhanzi yavuze ko atarakira neza, kubera ko azasubira muri Amerika mu byumweru biri imbere kugira ngo akomeze kwivuza.

Pancreatitis ni indwara iterwa no kubyimba kw’inyama y’urwagashya rufite akamaro mu gukora imisemburo yifashishwa mu igogorwa ry’ibiryo hamwe n’indi misemburo ifasha mu kugenura isukari mu mubiri.

Jose Chameleone yari amaze amezi atatu muri Leta Zunze Ubumwe za Amerika yitabwaho n’abaganga, aho yagiye tariki 23 Ukuboza 2024, akagaruma muri Uganda tariki 12 Mata 2025.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27