CG Murenzi yakiriye mu biro bye Umuyobozi wa Prison Fellowship International

CG Murenzi yakiriye mu biro bye Umuyobozi wa Prison Fellowship International

Komiseri Mukuru w’Urwego rw’u Rwanda rushinzwe Igorora, RCS, CG Evariste Murenzi yagiranye ibiganiro n’Umuyobozi Mukuru w’Umuryango Mpuzamahanga, Prison Fellowship International (PFI), Andrew Corley ku Cyicaro Gikuru cya RCS.

Ibiganiro byabo byibanze ku musaruro umaze kugerwaho no kongera ubufatanye muri gahunda z’igorora. Ni ibiganiro byarimo ubuyobozi bwa Rwanda Prison Fellowship (PFR) ndetse n’abayobozi bakuru muri RCS.

Bimwe mu byagaragajwe mu bimaze kugerwaho mu mikoranire iri hagati ya PFR na RCS kuva mu 2010, harimo guteza imbere imibereho y’abagororwa bahabwa ubumenyingiro buzababeshaho barangije ibihano, gufasha imiryango y’abagororwa gusura ababo igihe badafite ubushobozi, gufasha abana b’abagororwa no gusubiza mu buzima busanzwe abagororwa barabnije ibihano.

Hagarutswe ku gushimangira ubufatanye busanzweho bwo kongerera imbaraga ibikorwa by’igorora no gufasha abagororwa gusubira mu buzima busanzwe bifitemo ubushobozi buzababeshaho hanze bakanateza imbere imiryango yabo n’igihugu muri rusange.

Andrew Corley, Umuyobozi Mukuru wa PFI, yashimiye ubuyobozi bw’u Rwanda ku mavugurura meza bwakoze mu rwego rw’Igorora cyane cyane ingamba zashyizweho mu rwego rwo gufasha uwakoze icyaha kugororoka no kumufasha gutegura ubuzima azabamo nyuma yo kurangiza ibihano.

CG Murenzi yashimiye uyu Muryango ku mikoranire myiza igamije guteza imbere imibereho y’abagororwa kuko iterambere ry’abo rigira uruhare mu gukumira insubiracyaha mu gihe basubiye mu miryango yabo.

CG Evariste Murenzi, Komiseri Mukuru w’Urwego rw’u Rwanda rushinzwe Igorora, RCS
CG Evariste Murenzi aramukanya na Bishop Rucyahana, Umuyobozi Mukuru Prison Fellowship Rwanda
Andrew Corley, Umuyobozi Mukuru w’Umuryango Mpuzamahanga, Prison Fellowship International (PFI)

Amafoto: Olivier Tuyisenge

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27