Carlos Alós Ferrer ni we mutoza mushya w’Amavubi

Carlos Alós Ferrer ni we mutoza mushya w’Amavubi
Carlos Alós Ferrer wagizwe umutoza w'Amavubi mu gihe cy'umwaka umwe

Kuri uyu wa Kabiri taliki 29 Werurwe 2022, ishyirahamwe ry’umupira w’amaguru mu Rwanda “FERWAFA” ryerekanye umutoza mushya w’ikipe y’igihugu “Amavubi”, Carlos Alós Ferrer akaba akomoka muri Espagne.

Uyu mutoza ufite imyaka 47 y’amavuko yahawe amasezerano y’umwaka umwe akaba azatangira  taliki 01 Mata 2022.

Nk’uko bitangazwa na FERWAFA, Carlos Alós Ferrer   afite ubunararibonye kuko yabaye umuyobozi wa Tekinike mu ikipe ya FC Barcelone ndetse anatoza amakipe atandukanye ku mugabane w’u Burayi no muri Afurika  aho yatoje ikipe ya FAR Rabat yo muri Maroc muri 2019.

Carlos Alós Ferrer  yatoranyijwe mu bandi batoza benshi bari basabye akazi ko gutoza Amavubi barimo Alain Giresse (France), Sunday Oliseh (Nigeria), Sebastian Migne (France), Tony Hernandez (Espagne), Gabriel Alegandro Burstein (Argentine), Hossam Mohamed El Badry (Misiri), Stephane Constantine (England) n’abandi.

Uyu mutoza asimbuye kuri uyu mwanya, Mashami Vincent wabaye umutoza mukuru w’Amavubi kuva muri 2018.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27