CAN 2025: Uwikunda yahawe gusifura umukino wa Senegal na Benin

CAN 2025: Uwikunda yahawe gusifura umukino wa Senegal na Benin

Umusifuzi w’Umunyarwanda, Uwikunda Samuel, yahawe gusifura umukino usoza iyo mu itsinda D ry’Igikombe cya Afurika cya 2025 uzahuza Senegal na Benin.

Ni umukino uteganyijwe ku wa Kabiri, tariki ya 30 Ukuboza 2025, guhera saa Tatu z’Ijoro kuri Stade Ibn-Batouta iherereye mu Mujyi wa Tanger muri Maroc aho iri rushanwa rikomeje kubera ku nshuro ya 35.

Impuzamashyirahamwe y’Umupira w’Amaguru muri Afurika, CAF, yatangaje abasifuzi bazasifura uyu mukino bayobowe n’Umunyarwanda Uwikunda Samuel uzaba ari mu kibuga hagati.

Azabayungirijwe na bagenzi batatu bakomoka muri Kenya, aho uwa mbere ari Gilbert Kipkoech uwa Kabiri ni Stephen Onyango naho Peter Waweru azaba ari uwa kane.

Ni umukino uzaba ukomeye hagati y’impande zombi kuko buri ikipe isabwa gutsinda ikabona itike yo gukina imikino ya ⅛ cy’irangiza.

Kugeza ubu itsinda rya Kane riyobowe na Senegal n’amanota ane inganya na RDC ariko ikayirusha umubare w’ibitego izigamye (3), Benin ni ya gatatu n’amanota atatu ni mu gihe Bostwana yamaze gusezererwa ari iya nyuma nta nota irabona

Uyu Munyarwanda yaherukaga kuyobora umukino wa Côte d’Ivoire na Mozambique wabaye tariki ya tariki ya 24 Ukuboza 2025.

Uwikunda Samuel yahawe gusifura umukino uzahuza Senegal na Benin
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27