Burna Boy yahaye nyina impano y’imodoka

Burna Boy yahaye nyina impano y’imodoka

Nyina w’umuhanzi w’icyamamare muri Nigeriya ndetse no mu ruhando mpuzamahanga Burna Boy, afite ibyishimo yatewe n’impano yahawe n’umuhungu we Burna Boy.

Ni impano Burna Boy yageneye nyina ku munsi wahariwe ababyeyi b’abagore (Mothers Day).

Uyu muhanzi yabigaragarije mu mashusho yashyize ahagaragara ku rubuga rwe rwa Instagram kuri uyu wa kabiri tariki 14 Gicurasi 2024, nyuma y’ayo Burna Boy yari yashyize ku mbuga nkoranyambaga ze avuga ko agiye iwabo gufatanya n’umuryango kwizihiza umunsi mwiza w’ababyeyi b’abagore.

Muri ayo mashusho yashyizwe ahagaragara yagaragazaga nyina amushimira ku bw’impano nziza yamugejejeho kuri uwo munsi.

Ni ibintu byashimishije ndetse binanyura benshi mu bamukurira ku mbuga nkoranyambaga, bagaragaza ko uyu mubyeyi abikwiye nkuko umwe muri bo yanditse.

Agira ati: “Arabikwiye, baragendanye mu rugendo rwe rw’umuziki, yamubaye hafi, akamugira inama kandi akamwitaho, ur’ingenzi mubyeyi kandi ukwiye ibisumbyeho.”

Impano Burna Boy yahaye nyina ni imodoka iri mu bwoko bwa Mercedes Benz Maybach SUV

Uyu muhanzi wari mu ruzinduko hirya no hino mu birwa bya Karayibe, avuga ko nta kintu na kimwe cyiza ataha nyina igihe yaba abishoboye.

Burna Boy ahaye umubyeyi we imodoka mu gihe amaze igihe gito ashyizwe ku rutonde rw’abanyafurika bakoze ibitaramo byinjije akayabo mu bitaramo by’Abanyafurika byakorewe muri Leta zunze Ubumwe z’Amerika.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27