Burera: Ubuyobozi bwasabwe gushyira inyungu z’umuturage ku isonga

Burera: Ubuyobozi bwasabwe gushyira inyungu z’umuturage ku isonga

Guverineri w’Intara y’Amajyaruguru Mugabowagahunde Maurice yayoboye umuhango w’ihererekanyabubasha hagati y’Umuyobozi mushya w’Akarere ka Burera, Mukamana Soline n’uwari Umuyobozi w’aka Karere w’agateganyo, Nshimiyimana Jean Baptiste, aho yasabye Ubuyobozi bw’aka Karere gushyira inyungu z’umuturage ku isonga

Yabigarutseho kuri uyu wa Mbere tariki ya 11 Ukuboza 2023, mu cyumba cy’inama cy’Akarere ka Burera, mu muhango w’ihererekanyabubasha hagati y’umuyobozi wako mushya, Mukamana Soline, watorewe izi nshingano tariki 07 Ukuboza 2023 n’uwari umuyobozi wako w’agateganyo.

Mu ijambo rye, Guverineri Mugabowagahunde yasabye ubuyobozi bw’Akarere gushyira inyungu z’umuturage ku isonga.

Yagize ati: “Ubuyobozi bubereyeho abaturage, bukabakorera, bityo abayobozi murasabwa gushyira inyungu z’umuturage ku isonga”.

Umuyobozi w’Akarere ka Burera Mukamana Soline yasabye abakozi guharanira kwesa imihigo no kwirinda icyo ari cyo cyose cyabangamira ubumwe bw’Abanyarwanda.

Yagize ati: “Mu kazi ka buri munsi icy’ingenzi ni uguharanira kwesa imihingo kandi hakirindwa icyo ari cyo cyose cyaba imbogamizi ku bumwe bw’Abanyarwanda”.

Ubwo umuyobozi mushya w’Akarere ka Burera Mukamana Soline yatorwaga, mu kurahirira kuyobora ako Karere yavuze ko mu byo ashyize imbere ari ugufatanya na bagenzi be gukorera abaturage, yemeza ko Akarere ka Burera kagomba kuva ku myanya mibi kariho kakaza mu myanya itatu ya mbere.

Yagize ati: “Tugomba gukorera hamwe nk’ikipe ariko kandi umukozi akamenya umuhigo we, akamenya kuwusobanura n’ibigomba gukorwa kugira ngo weswe. Narabibabwiye Burera yacu igomba kuva ku mwanya wa nyuma ikaza nibura mu myanya itatu ya mbere”.

Uyu muhango witabiriwe n’abagize Inama Njyanama y’Akarere n’abayobozi barimo abaturutse ku rwego rw’Igihugu, Intara y’Amajyaruguru no ku rwego rw’Akarere.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27