Burera: Inzego z’Umutekano mu Majyaruguru zateye ibiti

Burera: Inzego z’Umutekano mu Majyaruguru zateye ibiti

Uyu munsi, Inzego z’Umutekano  zigizwe n’Ingabo z’u Rwanda (Diviziyo ya 2), Polisi y’u Rwanda (RNP) n’Urwego rw’Igihugu rw’Ubugenzacyaha (RIB), zikorera mu Ntara y’Amajyaruguru, zakoze igikorwa cyo gutera ibiti mu Mudugudu wa Bisiga, Umurenge wa Gashoro, Akarere ka Burera. Hatewe ibiti by’avoka bisaga ibihumbi icumi.

Iki gikorwa cyitabiriwe kandi na Nyakubahwa Mugabowagahunde Maurice, Guverineri w’Intara y’Amajyaruguru, n’Umuyobozi w’Akarere ka Burera, Madamu Mukamana Solina.

Mu ijambo rye, Guverineri yashimiye cyane abaturage n’inzego z’umutekano ku ruhare bagize muri iki gikorwa, avuga ko ari umusanzu ukomeye mu kurengera ibidukikije. 

Yanashimye imikoranire myiza iri hagati y’inzego z’umutekano n’abaturage, ndetse anashimira uhagarariye ICF (International Crane Foundation) watanze imbuto z’ibiti byatewe.

Brig Gen Deo Rusanganwa, Umuyobozi wa Diviziyo ya 2, yasabye abaturage gufata neza ibiti byatewe kugira ngo bizakure neza. 

Yavuze ko inzego z’umutekano zizakomeza kugira uruhare mu bikorwa nk’ibi bigamije iterambere n’imibereho myiza y’abaturage.

Iki gikorwa cyanitabiriwe kandi n’abandi bayobozi bakuru b’inzego z’umutekano mu Ntara y’ Amajyaruguru, barimo ACP Edmond Kalisa, Umuyobozi wa Polisi mu Ntara (RPC), na Lt Col Charles Kamali, Umuyobozi w’Inkeragutabara mu Ntara y’Amajyaruguru.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27