Bosco Nshuti yateguje igitaramo azamurikiramo umuzingo wa Kane

Bosco Nshuti yateguje igitaramo azamurikiramo umuzingo wa Kane

Umuhanzi Bosco Nshuti wamenyekanye mu ndirimbo zo kuramya ‘Ibyo Ntunze, Umutima, Ni muri Yesu, Ntacyantandukanya, Uranyumva, Utuma nishima, Ngoswe n’ingabo, Isaha y’Imana …’ yateguje igitaramo yise ‘Unconditional Love Live Concert Season II’ kigiye kuba ku nshuro ya kabiri.

Yavuze ko Imana yamuhishuriye kubwira ibiremwa byayo urukundo yabakunze bityo igitaramo kikaba giteganyijwe tariki 13 Nyakanga 2025. Icyakoze ntaragaragaza Korali n’abahanzi bazamufasha muri iki gitaramo.

Nshuti yagize ati: “Imana yanshyize ku mutima kubwira abantu urukundo yakunze abari mu Isi.”

Ahamya ko abazitabira igitaramo bazamenya by’ukuri Yesu Kristo n’urukundo Imana yakunze abari mu Isi bose.

Biteganyijwe ko mu gitaramo ‘Unconditional Love Live Concert Season II’ hazamurikirwamo umuzingo wa Kane bityo akazazengura imigabane itandukanye mu rwego rwo kumenyekanisha uyu muzingo.

Umuhanzi Nshuti ashimira Simon Kabera na Bruce Higiro nk’umwe mu batunganya umuziki bamukundishije umuziki bityo agahitamo kuba umuramyi.

Umuramyi Bosco Nshuti yakuriye mu Itorero ADEPR, agashima iterambere itorero rimaze kugezwaho n’ubuyobozi bukuru bwaryo.

Yatangiye kuririmba akiri muto ubwo yari muri Korali nyuma mu mwaka wa 2015 atangira kuririmba ku giti cye.

Mu myaka 10 amaze akora umuziki, Nshuti avuga ko amaze gukora ibitaramo bitatu birimo n’icyitwa ‘Ntunze Live Concert’.

Amafoto: Mupende

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27