Blinken yageze muri Isiraheli mu biganiro bigamije amahoro muri Gaza

Blinken yageze muri Isiraheli mu biganiro bigamije amahoro muri Gaza

Kuri uyu wa Gatatu Umunyamabanga wa Leta zunze ubumwe z’Amerika, Antony Blinken yageze muri Isiraheli, aho ari mu biganiro bigamije kugarura amahoro mu ntambara imazemo igihe n’umutwe wa Hamas.

Blinken ageze muri Isiraheli akubutse mu Misiri avuye kubonana n’abahuza b’ibiganiro hagati ya Isiraheli na Hamas.

Aljazeera ku wa Kabiri,yatangaje ko Blinken yagiye kubonana n’abahuza b’ibiganiro barimo  Abanyamisiri ndetse n’Abarabu, ngo barebere hamwe uko bagarura amahoro muri Gaza, kuko iyi ntambara imaze kugwamo   Abanyapalestina barenga 27.500, cyane cyane abagore n’abana.

Abagera kuri miliyoni 2.3 bavanywe mu byabo n’intambara bugarijwe n’inzara, kubura amazi, imiti, ndetse n’aho kuba.

Ni mu gihe Gaza hafi ya yose yangiritse nyuma y’amezi hafi ane ibisasu bya Isiraheli byisukiranya ku butaka bwayo.

Amerika, Misiri na Qatar ni byo bihugu biri kwita ku masezerano yo guhagarika intambara azatuma habaho guhanahana imfungwa za Isiraheli zafashwe na Hamas,ndetse n’imfungwa z’Abanyapalestina ziri muri  gereza ya Isiraheli.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27