Ben na Chance bagiye gukorera igitaramo muri Tanzania

Ben na Chance bagiye gukorera igitaramo muri Tanzania

Nyuma y’ibitaramo bitandukanye baheruka gukorera muri Canada, Ben na Chance basanzwe bamenyerewe mu ndirimbo zo kuramya no guhimbaza Imana barateganya gukorera igitaramo mu gihugu cya Tanzania.

Ni igitaramo cyiswe itsinda rya Ben na Chance basanzwe babana nk’umugore n’umugabo bagiye gukorera muri Tanzania nyuma y’uko bitangajwe na John Kavishe na we usanzwe umenyerewe cyane mu ndirimbo zo kuramya no guhimbaza Imana muri icyo gihugu.

Ni ibyo John Kavishe uvuga ko Imana yamuhuje n’iryo tsinda mu buryo butangaje bikabaviramo kuba umuryango, yatangaje abinyujije ku rubuga rwe rwa Instagram.

Mu butumwa yashyize kuri urwo rubuga, yagize ati: “Ntimuzacikwe ubu mwatangira kwigurira amatike.”

Icyo gitaramo cyiswe Jesus Experience, kikaba kizabera mu Mujyi wa Dar es Salaam, aho biteganyijwe ko kizaba tariki 18 Kanama 2024 ahazwi nka Milimani City guhera saa munani z’umugoroba. 

Kwinjira bizaba ari amashilingi ya Tanzania ibihumbi 20.

Ibi kandi byahamijwe na Ben na Chance babinyujije ku mbuga nkoranyamabaga zabo, bateguza ababakunda ndetse n’ababakurikira babasaba kuzaza bagafatanya guhimbaza Imana.

Iki gitaramo kigiye kuba mu gihe Ben na Chance bamaze igihe gito bashyize ahagaragara amashusho y’indirimbo yabo yitwa Abagenzi yashyizwe ahagaragara taraiki 21 Kamena 2024, ikaba imaze kurebwa n’abarenze ibihumbi 50 mu minsi itatu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27