Basketball: Mushumba Charles yagizwe Umutoza Mukuru wa APR W BBC

Basketball: Mushumba Charles yagizwe Umutoza Mukuru wa APR W BBC

Mushumba Charles wari umutoza wa REG BBC, yagizwe Umutoza Mukuru wa APR W BBC yitegura imikino ya kamarampaka muri shampiyona y’icyiciro cya Mbere cya Basketball y’Abagore.

Mushumba yari amaze umwaka ari umutoza wa REG BBC nubwo atayitoje mu mikino ya kamarampaka nyuma ubuyobozi butishimiye uko yitwaye muri shampiyona. 

Mu mikino ya Kamarampaka iteganyijwe gutangira ku wa 25 Nzeri 2024, Ikipe y’ingabo z’Igihugu izahura na Groupe Scolaire Marie Reine Rwaza ya gatatu, mu gihe REG WBBC ya mbere izakina na Kepler WBBC ya kane.

Mu rwego kwitegura neza iyi mikino APR WBBC yaguze Umunya-Mali, Kamba Yoro Diakite wigaragaje mu Mikino Nyafurika yabereye i Kigali umwaka ushize wa 2023.

Muri iri rushanwa, Diakite yahembwe nk’umukinnyi watsinze amanota menshi angana na 139.

Mushumba Charles yafashije IPRC Huye kwegukana igikombe cya Playoffs mu 2016 atsinze Patriots BBC yari yatwaye icya shampiyona.

Umwaka ushize wa 2023, APR WBBC ni yo yegukanye igikombe cya shampiyona mu Bagore.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27