Basketball: EAUR BBC yazamutse mu cyiciro cya mbere

Basketball: EAUR BBC yazamutse mu cyiciro cya mbere

Kaminuza ya East African University Rwanda, EAUR BBC, yabonye itike yo kuzamuka muri Shampiyona y’Icyiciro cya Mbere muri Basketball nyuma yo kwegukana igikombe cya shampiyona y’icyiciro cya kabiri.

Iyi kipe yabigezeho nyuma yo gutsinda Inspired Generation BBC amanota 81-58 yuzuza intsinzi eshatu kuri imwe mu mikino ya nyuma mu ya kamarampaka.

Iyi kipe ya kaminuza ni yo yatangiye imikino ya kamarampaka neza kuko yatsinze uwa mbere ku manota 87-61, uwa kabiri wegukanywe na Inspired Generation BBC itsinze amanota 96-94, uwa gatatu EAUR BBC yawutsinze ku manota 82-48, mu gihe uwa nyuma nawo yawutsinze ku manota 81-58 biyihesha kubona itike y’icyiciro cya mbere.

Mu bihembo byatanzwe, ikipe ya EAUR BBC ya mbere yashyikirijwe imidali, igikombe giherekejwe na sheke ya miliyoni 3 z’amafaranga naho Inspired Generation BBC ya kabiri yashyikirijwe imidali na sheki ya miliyoni 2 z’amafaranga y’u Rwanda.

EAUR BBC yatsinze Inspired Generation BBC imikino 3-1
Inspired Generation BBC yabaye iya kabiri yahawe imidali na sheki ya miliyoni 2 z’amafaranga y’u Rwanda
EAUR BBC yabonye itike yo kuzakina Icyiciro cya Mbere muri 2005/26
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27