Ariel wayz yahize kwitwara neza muri MTN Iwacu Muzika Festival

Ariel wayz yahize kwitwara neza muri MTN Iwacu Muzika Festival

Umuhanzikazi Ariel Wayz akaba umwe rukumbi mu bahanzikazi bazatarama mu bitaramo bya MTN Iwacu Muzika Festival, yatangaje ko yiteguye kwitwara neza aho ahagarariye abahanzikazi bo mu Rwanda.

Uyu mukobwa uri mu bahanzi bitabiriye ibi bitaramo ku nshuro ya mbere, avuga ko azagaragaraza uruhare rwe nk‘umuhanzikazi wagize amahirwe yo kwisanga kuri urwo rutonde.

Yabigarutseho mu kiganiro bagiranye n’itangazamakuru kuri uyu wa Kabiri tariki 17 Kamena 2025, cyari kigamije kugaragaza aho imyiteguro y’ibyo bitaramo igeze.

Mu gusubiza uko yiteguye yagize ati: “Ndishimye ko ndi hano, nibura umukobwa umwe arahari kandi ndizera ko nzabahagararira neza cyane.“

Ubwo yagarukaga kucyagendeweho bahitamo Ariel Wayz mu bahanzikazi bose bari mu gihugu, Umuyobozi wa EAP isanzwe itegura ibyo bitaramo Mushyoma Joseph, yavuze ko hashingiwe ku buhanga bwe. 

Ati: “Ariel Wayz ni umuhanzi w’umuhanga, afite ibikorwa byivugira ni cyo cyashingiweho.”

Agaruka ku mpamvu buri gihe muri ibyo bitaramo hakunda kugaragaramo umukobwa umwe, Mushyoma yavuze ko guhitamo urwo rutonde ari akazi kaba gakomeye.

Ati: “Ku bijyane n’ubuke bw’abahanzikazi, urebye umubare w’abahungu bakora umuziki mu byiciro byose ni benshi ugereranyije n’abakobwa. Na byo biratugora kuko hari n’abahungu benshi baba basigaye.“

Uretse Ariel Wayz abandi bazagaragara muri ibi bitaramo barimo King James, Riderman, Juno Kizigenza, Nel Ngabo, Kevin Kade na Kivumbi King.

Ni ibitaramo bizatangira tariki 5 Nyakanga bikarangira 16 Kanama 2025, bikazazenguruka Uturere turindwi turimo Musanze, Gicumbi, Nyagatare, Ngoma, Huye, Rusizi bisorezwe i Rubavu. 

Ibitaramo bya Iwacu muzika Festival bigiye kuba ku nshuro ya gatandatu, bikaba ari ku nshuro ya 3 bigiye kuba kuva byakwitwa MTN Iwacu Muzika Festival.

Ruhumuriza James( King James) na Gatsinzi Emmery (Riderman) nibo bahanzi bakuru muri ibi bitaramo
Juno Kizigenza, Ariel Wayz, Kevin Kade, Nel Ngabo na Kivumbi King bishimiye kuba bagiye gutarama muri ibi bitaramo ku nshuro yabo ya mbere
Mushyoma Joseph Boubou Umuyobozi wa East African Promoters itegura Iwacu Muzika Festivals
Ikiganiro Kirangiye ababahanzi n’abaterankunga b’ibitaramo bafatanye agafoto k’urwibutso
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27