APR FC yemeje ko yatandukanye na Godwin Odibo

APR FC yemeje ko yatandukanye na Godwin Odibo

Ikipe ya APR FC yemeje ko yatandukanye n’Umunya-Nigeria, Godwin Odibo, ku bwumvikane bw’impande zombi.

Ibinyujije ku mbuga nkoranyambaga zayo ku mugoroba wo kuri uyu wa Mbere tariki 20 Mutarama 2025, APR FC yemeje ko batandukanye imushimira umusanzu we mu kibuga ndetse no hanze inamwifuriza guhirwa muri byose. 

Uyu mukinnyi yari amaze amezi atandatu aguzwe n’Ikipe y’Ingabo z’Igihugu, ariko ntiyigeze abona umwanya uhagije wo gukina ndetse urwego rwe rw’imikino rwakunze kwibazwaho.

Odibo Godwin yaje muri APR FC avuye Sporting Lagos y’iwabo muri Nigeria.

Ikipe y’Ingabo z’Igihugu kandi ikomeje ibiganiro na mugenzi we Nwobodo Chidiebere Johnson, bigamije gutandukana nyuma y’aho na we abuze umwanya uhagije wo gukina.

Mu rwego kwitegura neza imikino yo kwishyura ya Shampiyona n’igikombe cy’Intwari, APR FC iheruka kugura Abanya-Uganda Denis Omedi na Hakim Kiwanuka bakina ku mpande basatira izamu.

APR FC yasoje imikino ibanza iri ku mwanya wa kabiri muri Shampiyona, irushwa amanota atanu na Rayon Sports, izatangira imikino yo kwishyura yakirwa na Kiyovu Sports mu kwezi gutaha.

APR FC yatandukanye na Godwin Odibo wari uyimazemo amezi atandatu
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27