APR FC yatsinze KMC yegukana umwanya wa gatatu muri CECAFA Kagame Cup 2025

APR FC yatsinze KMC yegukana umwanya wa gatatu muri CECAFA Kagame Cup 2025

APR FC yari ihagarariye u Rwanda muri CECAFA Kagame Cup 2025 yegukanye umwanya wa gatatu, nyuma yo gutsinda KMC yo muri Tanzania igitego 1-0 mu mukino wabereye kuri KMC Stadium, kuri uyu wa Mbere tariki ya 15 Nzeri 2025.

Ni umukino watangiye utuje ugenda gake amakipe yombi yigana ariko APR FC ikagerageza uburyo butandukanye bw’ibitego bwahushwaga na Mugisha Gilbert na William Togui.

Mu minota 30, APR FC yakomeje gusatira bikomeye ishaka igitego ariko abakinnyi b’inyuma ba KMC bakomeza kubyitwaramo neza.

Igice cya mbere kigana ku musozo, Dauda Yussif yacomekeye Memel Dao umupira mwiza, awuzamukana yihuta cyane ku ruhande rw’iburyo atera ishoti rikomeye afungura amazamu, ku munota wa 45.

Igice cyarangiye APR FC yatsinze KMC igitego 1-0.

Mu gice cya kabiri, iyi kipe yo muri Tanzania yagarukanye imbaraga itangira gusatira bikomeye ariko umunyezamu Ishimwe Pierre imipira akayikuramo.

Ku munota wa 77, William Togui yahushije igitego cyari cyabazwe ku mupira yahawe n’umunyezamu wa KMC ariko uyu rutahizamu.

Umukino warangiye APR FC yatsinze KMC igitego 1-0, yegukana umwanya wa gatatu.

Ikipe y’Ingabo z’Igihugu yahembwe ibihumbi 10$.

Umukino wa nyuma urahuza Singida Black Stars yo muri Tanzania na Al Hilal yo muri Sudani.

Memel Dao yishimira igitego rukumbi cyabonetse muri uyu mukino
Abakinnyi APR FC yabanje mu kibuga
Abakinnyi KMC yabanje mu kibuga
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27