APR FC yaguze rutahizamu watsinze ibitego byinshi muri shampiyona ya Côte d’Ivoire

APR FC yaguze rutahizamu watsinze ibitego byinshi muri shampiyona ya Côte d’Ivoire

Ubuyobozi bw’Ikipe ya APR FC bwemeje ko bwasinyishije rutahizamu Amani Kouadio Kan Michel Breygeneve, watsinze ibitego byinshi muri Shampiyona ya Côte d’Ivoire mu mwaka wa 2025/2026.

Kuri uyu wa Gatandatu, tariki ya 20 Kamena 2026, ni bwo Ikipe y’Ingabo z’Igihugu yatangaje ko yamaze gusinyisha uwo mukinnyi mushya ukina asatira anyuze ku ruhande rw’ibumoso, akaba yitezweho kuzayikinira guhera mu mwaka utaha w’imikino wa 2026/27, aho yayisinyiye amasezerano y’imyaka ibiri.

Uyu mukinnyi w’imyaka 27 yari asanzwe akinira ikipe ya AFAD Djékanou yo mu Cyiciro cya Mbere muri Côte d’Ivoire, aho mu mwaka ushize w’imikino wa 2025/26 yabaye uwatsinze ibitego byinshi kurusha abandi, aho yatsinze  17 muri iyo Shampiyona.

Yabaye umunyamahanga wa mbere utangajwe na APR FC akaba umukinnyi wa kabiri mushya utangajwe nyuma ya Ishimwe Christian wayisubiyemo avuye muri Police FC.

Abandi bakinnyi bivugwa ko bari mu biganiro na APR FC barimo Mamadou Traoré wari mu ikipe ya Stade Malien muri Mali, Madou Zon wo muri TP Mazembe yo muri Repubulika Iharanira Demokarasi ya Congo ndetse n’umunyezamu Ernan Siluane wo muri Mozambique.

Iyi kipe ya APR FC kandi iherutse gutandukana n’abakinnyi barimo Aliou Souané, Mamadou Sy, Niyomugabo Claude na Mahamadou Lamine Bah.

Amani Kouadiokan Michel Breygeneve yahawe nimero 17 muri APR FC
Amani Kouadiokan Michel Breygeneve yasinye imyaka ibiri muri APR FC
Amani Kouadiokan Michel Breygeneve watsinze ibitego byinshi muri Shampiyona ya Côte d’Ivoire ni umukinnyi mushya wa APR FC
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27