Ambasaderi Mirenge yagiranye ibiganiro n’Umuyobozi Mukuru wa DP World

Ambasaderi Mirenge yagiranye ibiganiro n’Umuyobozi Mukuru wa DP World

Ambasade y’u Rwanda muri Leta Zunze Ubumwe z’Abarabu (UAE) yatangaje ko Amb John Mirenge yagiranye ibiganiro n’Umuyobozi Mukuru w’Ikigo cy’Abarabu cya Dubai Ports World (DP World), Sultan Ahmed Bin Sulayem.  

Ubutumwa bw’Ambasade y’u Rwanda buri ku rubuga rwayo rwa X, bugaragaza ko abayobozi bombi bagiranye ibiganiro mu gitondo cyo kuri uyu wa Kane tariki 05 Ukuboza 2024.

Ambasade y’u Rwanda yagize iti: “Ibiganiro byabo byibanze ku mishanga mishya igamije kuzamura urwego rw’ububiko mu Rwanda.”

Ikigo cy’Abarabu cya Dubai Ports World (DP World) gisanganywe imikoranire n’u Rwanda, aho cyubatse icyambu kidakora ku mazi magari cya Kigali Logistics Platform (KLP).

Mu masezerano y’imikoranire amaze imyaka 35, DP World ifitanye na Leta y’u Rwanda, harimo kubaka icyambu cya KLP no gukurikirana imikorere yacyo umunsi ku munsi.

Icyambu giherereye mu Murenge wa Masaka mu Karere ka Kicukiro mu Mujyi wa Kigali, cyatangiye gukora mu 2018.

Gifasha mu kubika ibyoherezwa n’ibivanwa mu mahanga mbere yo gukwirakwizwa hirya no hino mu Karere u Rwanda ruherereyemo.

U Rwanda na Leta Zunze Ubumwe z’Abarabu ni ibihugu byombi bifitanye umubano uhamye mu nzego zitandukanye.

Bifatanya mu nzego zirimo ishoramari, ubucuruzi, ubukerarugendo no gutwara abantu n’ibintu mu Kirere.

Kigali Logostics Platform ifite ububiko bugari bunyuzwamo ibitumizwa n’ibyoherezwa mu mahanga
Kigali Logostics Platform ifite ububiko bugari bunyuzwamo ibitumizwa n’ibyoherezwa mu mahanga
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27