Amb Uwihanganye yatanze impapuro zo guhagararira u Rwanda muri Indonesia

Amb Uwihanganye yatanze impapuro zo guhagararira u Rwanda muri Indonesia

Uwihanganye Jean de Dieu, Ambasaderi w’u Rwanda muri Repubulika ya Indonesia ufite icyicaro muri Singapore, yashyikirije impapuro Perezida wa Indonesia, Joko Widodo, zimwemerera guhagararira u Rwanda muri iki gihugu.

Ni umuhango wabaye kuri uyu wa Kane taliki ya 01 Ukuboza 2022, ubera i Istana Merdeka muri Jakarta.

Amakuru ava muri Ambasade y’u Rwanda muri Singapore, avuga ko mu biganiro byabo, Amb Uwihanganye yatanze intashyo za Perezida wa Repubulika y’u Rwanda, Paul Kagame. Yashimye umubano mwiza w’ibihugu byombi.

Amb Uwihanganye yavuze ko u Rwanda rwiyemeje gushimangira umubano hagati y’igihugu cya Indonesia n’u Rwanda by’umwihariko ushingiye ku buhahirane.

Perezida wa Repubulika ya Indonesia, Joko Widodo yashimiye Ambasaderi Uwihanganye Jean de Dieu anashima ko u Rwanda rwitabiriye inama ya G20 iherutse kubera i Bali.

Joko Widodo yiyemeje gushimangira umubano mwiza usanzwe uranga ibihugu byombi.

Umubano w’ibihugu byombi ahanini ushingiye ku buhahirane. Kugeza ubu u Rwanda ruvana amavuta yo kurya muri Indonesia, rukagurishayo icyayi n’ikawa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27