Amb. Nkulikiyinka yakoze ihererekanyabubasha na Minisitiri Uwizeye

Amb. Nkulikiyinka yakoze ihererekanyabubasha na Minisitiri Uwizeye

Ambasaderi Nkulikiyinka Christine yahererekanyije ububasha na Minisitiri w’Abakozi ba Leta n’Umurimo, Uwizeye Judith, wamusimbuye kuri uyu mwanya.

Minisitiri Uwizeye uherutse gushyirwaho na Perezida Paul Kagame hamwe n’abandi bashyizwe muri Guverinoma yakoze ihererekanyabubasha ku wa Mbere, tariki ya 15 Kamena 2026.

Muri iki gikorwa, Minisitiri Uwizeye yashimiye Amb. Nkulikiyinka asimbuye ku buyobozi bwe bw’indashyikirwa n’umusingi ukomeye yashyizeho muri iyi Minisiteri, ashimangira ko na we afite ubushake bwo gukomeza guteza imbere serivisi za Leta zitangwa mu buryo bunoze.

Yongeyeho ko kandi azakomeza gushyigikira gahunda zigamije guhanga imirimo no gukomeza ishyirwa mu bikorwa ry’amavugurura agamije guteza imbere imibereho y’abaturage b’u Rwanda. Uwizeye yari asanzwe ari Minisitiri muri Perezidansi ya Repubulika. Si ubwa mbere Uwizeye agiye kuyobora Minisiteri y’Abakozi ba Leta kuko yayiyoboye hagati ya 2014 na 2017.

Yize amategeko mu yahoze ari Kaminuza Nkuru y’u Rwanda [UNR], arangiza mu 2006, ndetse ahita akomereza mu cyiciro cya gatatu muri Kaminuza ya Groningen aho yize ibyerekeye ubukungu mpuzamahanga n’amategeko yerekeye ubucuruzi (International Economic).

Amb. Nkulikiyinka Christine wasimbuwe yahawe guhagararira u Rwanda mu Bwami bwa Espagne.

Amb. Nkulikiyinka Christine na Uwizeye Judith bashyira umukono ku nyandiko z’ihererekanyabubasha
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27