Amagare: Shampiyona y’Igihugu ya 2025 izakinwa mu mperza z’icyumweru

Amagare: Shampiyona y’Igihugu ya 2025 izakinwa mu mperza z’icyumweru

Ishyirahamwe ry’Umukino w’Amagare mu Rwanda (FERWACY) ryatangaje ko Shampiyona y’Igihugu izaba mu mpera zi’cyumweru ku wa 28 na 29 Kamena 2025.

Iri rushanwa rizitabirwa n’abakinnyi baturutse mu makipe y’abamuryango ba FERWACY n’andi makipe yo mu gihugu yabisabye akabyemererwa.

Abakinnyi bazarushanwa mu birimo abagabo, abatarengeje imyaka 23 n’ngimbi zitarengeje imyaka 19. Hari kandi n’icyiciro cy’abagore abakuru n’abatarengeje imyaka 19.

Ku wa Gatandatu, tariki ya 28 Kamena, hazaba irushanwa ryo gusiganwa n’igihe buri muntu ku giti cye mu muhanda wa Batsinda – Rulindo – Batsinda, ku ntera y’ibilometero 25.

Bukeye bwaho ku wa 29 Kamena, hazaba irushanwa ryo gusiganwa mu muhanda, rizahagurikira muri Santere ya Gasanze, rinyure i Shyorongi, kuri Base, i Gicumbi, mu Rukomo na Nyacyonga mbere yo gusoreza i Gasanze ku ntera y’ibilometero 162 mu cyiciro cy’abagabo n’abatarengeje imyaka 23.

Abagore n’ingimbi bazakina intera y’ibilometero 126 bizatangirira ku Murenge wa Shyorongi, banyure kuri Base, i Gicumbi, Rukomo na Nyacyonga mbere yo gusoreza i Gasanze.

Abangavu bazakina intera y’ibilometero 53,6 bizahagurukira i Gicumbi.

Mu mwaka ushize wa 2024, iri siganwa ryegukanywe na Masengesho Vainqueur (mu bagabo no mu batarengeje imyaka 23) na Niyonkuru Phocas mu ngimbi.

Mu bagore, ryegukanywe na Ingabire ku nshuro ya gatatu zikurikiranya mu bakuru na Umutoni Sandrine mu bangavu.

Mu gukina buri wese ku giti cye, abari bitwaye neza ni Mugisha Moïse mu bagabo na Ingabire Diane mu bagore.

Shampiyona y’Igihugu ya 2025 izakinwa mu mpera zi’cyumweru
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27