Amagare: Niyonkuru Samuel na Irakoze Neza Violette begukanye “Umusambi Race”

Amagare: Niyonkuru Samuel na Irakoze Neza Violette begukanye “Umusambi Race”

Niyonkuru Samuel ukinira Team Amani mu bagabo babigize umwuga na Irakoze Neza Violette mu bagore, begukanye irushanwa ry’amagare ryiswe “Umusambi Race” ryateguwe mu rwego rwo kubungabunga inyoni y’umusambi ryakinwaga ku nshuro ya kabiri kuri iki cyumweru tariki 1 Nzeri 2024. 

Iri siganwa ryateguwe n’Ishyirahamwe ry’Umukino w’Amagare mu Rwanda (FERWACY) ku bufatanye n’Umuryango Nyarwanda ushinzwe Kubungabunga Ibinyabuzima byo mu Gasozi (RWCA).

Abakinnyi 118 nibo bitabiriye iri siganwa ry’amagare mu byiciro bitandukanye birimo abagize umwuga, abatarabigize umwuga n’abakoresha amagare asanzwe.

Abatarabigize umwuga basiganwe ibilometero 46 bavuye ku Ibanda mu gihe ababigize umwuga  bakoze ibilometero 89,1 bavuye i Butaro, banyure mu Miyove no ku Ibanda, basoreze muri Centre ya Butaro aho batangirira.

Niyonkuru Samuel ukinira Team Amani yo muri Kenya wagowe n’igare yatobokesheje ipine, ava ku igare ararisimbuza mbere yo gukomeza isiganwa ni wegukanye isiganwa akoresheje amasaha atatu, iminota itandatu n’amasegonda 25, yakurikiwe na Kevin Nshutiraguma akoresheje amasaha atatu, iminota 18 n’amasegonda atanu na Niyireba Innocent wakoresheje amasaha atatu, iminota 18 n’amasegonda 05.

Mu bagore, hatsinze Irakoze Neza Violette akurikirwa na Mukashema Josiane Ntakirutimana Martha.

Mu bagabo n’abagore batabigize umwuga ku ntera y’ibilometero 46, hatsinze Ruberwa Jean Damascène na Ingabire Domina wa Bugesera Cycling Team. 

Mu cyiciro cy’abakinishije amagare asanzwe ku ntera y’ibilometero 37 Mufitiyesu Emmanuel na Cine Elmay yongeye kwegukana isiganwa nkuko yabikoze umwaka ushize mu bagore hatsinze Akimana Donatha wa Ngarama Cyling Team.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27