Algeria: Bazindukiye mu matora ya Perezida

Algeria: Bazindukiye mu matora ya Perezida

Kuri uyu wa Gatandatu, abaturage bo muri Algeria bazindukiye mu matora y’Umukuru w’Igihugu aho abakabakaba miliyoni 25 bari kuri lisiti y’itora   bahitamo Perezida mu bakandida batatu barimo na   Abdelmadjid Tebboune wari usanzwe ayobora iki gihugu.

Mu bandi bahatanye na Tebboune harimo Abdelaali Hassani, wo mu ishyaka ryitwa ‘Movement of Society for Peace’, na Youcef Aouchiche.

Aya matora ashobora gusiga Tebboune, w’imyaka 78, abonye indi manda ya kabiri ndetse na bamwe mu banyapolitiki batangiye kuvuga ko utsinda amatora azwi.

Umusesenguzi mu bya politiki, Mohamed Hennad, yanditse ku rubuga rwa Facebook, yerekeza kuri Tebboune avuga ko uwatsinze azwi mbere.

Muri Werurwe uyu mwaka Perezida Abdelmadjid Tebboune, yatangaje ko yigije imbere amatora ya Perezida yari ateganyijwe mu Kuboza ayimurira muri Nzeri.

Ni itangazo ryasohotse   nyuma y’inama yayoboye yari yitabiriwe n’Abadepite  n’Umuyobozi Mukuru w’Ingabo gusa ntiyatangaza impamvu yimuye amatora.

Perezida Tebboune yatowe ku ya 12 Ukuboza 2019, atorerwa manda y’imyaka itanu, atsindiye ku majwi 58%.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27