Abofisiye n’abandi basirikare ba RDF basoje imyitozo ihanitse y’amezi 7

Abofisiye n’abandi basirikare ba RDF basoje imyitozo ihanitse y’amezi 7

Kuri uyu wa Gatatu, abofisiye n’abasirikare bafite amapeti atandukanye mu Ngabo z’u Rwanda (RDF), basoje imyitozo  ibongerera ubumenyi buhanitse mu bijyanye no kurwanira ku butaka. 

Iyo myitozo yo ku rwego rwo hejuru yamaze amezi arindwi bayifatiye mu Kigo cy’amahugurwa y’ibanze ya Gisirikare cya Nasho mu Karere ka Kirehe.  

Umuhango wo gusoza ayo mahugurwa yitabiriwe n’Umugaba Mukuru w’Ingabo z’u Rwanda Gen Mubarakh Muganga, wari ahagarariye Umugaba w’Ikirenga Paul Kagame. 

Gen Muganga yifatanyije mu byishimo n’abasoje amasomo ashimangira agaciro ko gusigasira ikinyabupfura n’umurava mu byo bakora byose.

Yavuze ko ubumenyi buhanitse bwo kurwana bungutse buzarushaho kubongerera ubushobozi mu mikorere yabo bashyira mu bikorwa inshingano za RDF. 

Gen. Muganga ni we wahaye ibihembo abasirikare bitwaye neza kurusha abandi mu gihe cyose imyitozo yamaze. 

Imyitozo yo ku rweg rwo hejuru ihabwa abasirikare barwanira ku bitaka ni gahunda yateguriwe kurushaho kwagura ubumenyi abasirikare baboneye mu myitozo y’ibanze ibinjiza mu ngabo z’u Rwanda. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27