Abofisiye 36 mu Ngabo na Polisi by’u Rwanda basoje amasomo y’ubuyobozi

Abofisiye 36 mu Ngabo na Polisi by’u Rwanda basoje amasomo y’ubuyobozi

Kuri uyu wa Gatanu taliki ya 24, Abofisiye 36 bo mu Ngabo z’u Rwanda na Polisi y’Igihugu basoje amasomo y’ibanze y’ubuyobozi mu Ishuri Rikuru rya Gisirikare riherereye i Nyakinama mu Karere ka Musanze.

Umugaba w’Ingabo zirwanira ku butaka (ACOS) Lt Gen Mubarakh Muganga, ni we wayoboye umuhango wo kubashyikiriza impamyabumenyi mu muhango wari witabiriwe n’abayobozi batandukanye.

Lt. Gen. Mubarakh Muganga, yavuze ko ayo masomo bahawe yabongereye ubushobozi bwose bakeneye mu igenamigambi no gutegura ibikorwa bya gisirikare, ubumenyi ku nyungu z’umutekano z’Igihugu ndetse n’imihindagurikire y’imiterere y’umutekano, bijyana no gusobanukirwa byimazeyo ingorane z’umutekano mu Karere no ku Isi.  

Yagize ati: “Ndahamya ntashidikanya ko gusoza aya masomo bisigiye buri wese muri mwe ubuhanga, ubumenyi n’imyitwarire ikenewe mu kubategurira kuba abayobozi  bareba kure kandi batanga ibisubizo by’ibibazo bihari.”

Umuyobozi Mukuru wungirije w’Ishuri Rikuru rya Gisirikare Col Jean Claude Ngendahimana, yashimiye imyitwarire myiza yo ku rwego ruhanitse, imikoranire ndetse n’ukwiyemeza abo bofisiye bagaragaje mu gihe bahabwaga amasomo.

Ayo masomo y’ibanze bahawe mu cyiciro cya 20 yamaze ibyumweru 20 kuko yahereye taliki ya 31 Ugushyingo 2022 akaba yasoje kuri uyu wa Gatanu taliki ya 24 Werurwe 2023.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27