Abanyarwanda baba muri Zambia n’u Buhindi bizihije Umuganura

Abanyarwanda baba muri Zambia n’u Buhindi bizihije Umuganura

Abanyarwanda baba mu bihugu bya Zambia n’u Buhinde bizihije Umuganura, mu birori byibanze ku kwibukiranya kwimakaza ubumwe bw’Igihugu, umurimo unoze, no kubungabunga umuco nyarwanda.

Ni ibirori byabaye ku wa Gatanu tariki ya 1 Kanama 2025.

Muri Zambia, ibirori byabereye mu murwa mukuru Lusaka, aho byitabiriwe n’abantu bagera kuri 400, bikaba byarateguwe na Ambasade y’u Rwanda muri icyo gihugu.

Mu butumwa yagejeje ku bitabiriye ibirori, Ambasaderi w’u Rwanda muri Zambia, Emmanuel Bugingo, yasabye Abanyarwanda kugira umuco wo kwizihiza Umuganura binyuze mu bumwe, ubufatanye, n’umurimo unoze.

Yabashimiye kwitabira ibyo birori, ashimangira ko Umuganura ari ikimenyetso cy’uburenganzira no gushyigikira Igihugu, anavuga ko uwo munsi wibutsa indangagaciro z’Abanyarwanda zo gukunda Igihugu, ubunyangamugayo n’ubufatanye.

Twagirumukiza Mugwaneza Eric, uhagarariye Abanyarwanda baba muri Zambia, yashimye uruhare Abanyarwanda bagira mu guteza imbere igihugu cyabo.

Mu Buhinde, ibirori byahuje Abanyarwanda baba mu Mujyi wa  New Delhi no mu bindi bice bitandukanye.

Byitabiriwe n’abantu bagera ku 100 bose hamwe.

Ambasaderi w’u Rwanda mu Buhinde, Jacqueline Mukangira, yavuze ko Umuganura ari umunsi ukomeye mu kumenyekanisha isura y’Igihugu, ubumwe bwacyo, no kuramba k’ubukungu, kandi yashishikarije urubyiruko gukunda umuco n’indangagaciro z’Abanyarwanda.

Abanyarwanda benshi baba mu Buhinde ni abanyeshuri bo muri za kaminuza, bagaragaza ubushake bwo kwitabira ibikorwa by’Igihugu nk’ibikorwa byo Kwibuka Jenoside yakorewe Abatutsi mu 1994, Kwibohora, Umunsi w’Intwari n’Umuganura.

Ibirori by’Umuganura byaranzwe no kwerekana imbyino n’indirimbo z’umuco nyarwanda, guha abana amata, ndetse n’abakuru basangira ibiribwa n’ibinyobwa.

Umuganura ni umunsi ngarukamwaka mu Rwanda, wizihizwa buri wa Gatanu wa mbere w’ukwezi kwa Kanama, ni wo munsi rukumbi wizirizwaho umuco gakondo ku rwego rw’Igihugu, bikerekana agaciro gakomeye k’amateka n’umuco bifite mu Rwanda.

Uhereye mu 2011 ubwo wongeye gushyirwa mu tariki y’iminsi mikuru y’igihugu, Umuganura wizihizwa buri mwaka.

Insanganyamatsiko y’uyu mwaka igira iti: “Isoko y’ubumwe n’ishingiro ryo kwigira.”

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27