Abanyarwanda baba mu Bushinwa bahuye barasabana

Abanyarwanda baba mu Bushinwa bahuye barasabana

Kuri uyu wa Mbere taliki ya 1 Gicurasi, Ambasade y’u Rwanda mu Bushinwa yateguye ibikirwa byahurije hamwe Abanyarwanda baba mu Mujyi wa Beijing n’uwa Tianjin. 

Ibyo bikorwa byaranzwe n’ibiganiro byahuje Ambasaderi w’u Rwanda mu Bushinwa James Kimonyo n’abo Banyarwanda, ndetse n’ibikorwa bya siporo byafashije kongera ubusabane no kwidagadura.

Ahura n’abagize Umuryango Nyarwanda mu Bushinwa, Amb. James Kimonyo yagaragaje akamaro k’uburezi no gukora cyane ku iterambere ry’Igihugu. 

Yasabye Abanyarwanda baba mu Bushinwa gukomeza guharanira kuba indashyikirwa, no gukorera hamwe bagamije “kubaka u Rwanda Twifuza.”

Umuryango Nyarwanda mu Bushinwa ugizwe ahanini n’abanyeshuri biganjemo abagiye kwiga muri Kaminuza mu cyiciro cya kabiri, icya Gatatu (Masters) ndetse n’impamyabumenyi y’Ikirenga (PhD).

Hari kandi n’anandi bagiye kwiga Ururimi rw’Igishinwa cyangwa andi masomo y’igihe gito. 

Uretse abanyeshuri, hakomeje kugaragara ubwiyongere bw’Abanyarwanda bajya gukora no gushakira imibereho mu Bushinwa, aho bakorera ibigo mpuzamahanga by’Abashinwa n’abandi bagahitamo kwikorera mu bucuruzi,  ubukerarugendo no gutwara imizigo.

Ambasade y’u Rwanda mu Bushinwa ifasha abagize Umuryango Nyarwanda kwimakaza ibiganiro, gusabana no gusangira ibitekerezo bibafasha guhora bafitanye isano na gakondo yabo. 

Ibyo bigerwaho bibyuze mu bikorwa binyuranye birimo kwimakaza Umuco Nyarwanda, kugira uruhare ruhoraho muri ghunda z’iterambere ry’Igihugu no gushyigikira amavugurura y’urwego rw’uburezi mu Rwanda binyuze mu guhererekanya ubumenyi b’ubuhanga. 

Abanyarwanda baba mu Bushinwa bashimirwa gukunda Igihugu no kuba bariyemeje kutazigera badohoka mu gukorera Igihugu cyabo, hamwe n’uruhare rwabo nk’abantu b’abahanga n’abashakashatsi baharanira kugera ku ntego no kuzana impinduka nziza muri Gahunda za Guverinoma.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27