Abanyamerika basabwe kuva muri Haiti vuba

Abanyamerika basabwe kuva muri Haiti vuba

Ibihugu bihana imbibi na Haiti byatangiye gucyura abakozi babyo bakorera mu Burasirazuba bwa Haiti. Leta Zunze Ubumwe z’Amerika na yo, yasabye abenegihugu bayo kuva muri Haiti byihutirwa.

Igihugu cya Haiti gikomeje kugaragaramo umutekano muke kuva ku cyumweru, ari nawo munsi abataramenyekana bagabye igitero kuri gereza nkuru mu murwa mukuru wa Port-au Prince, babohoza imfungwa 3,700. Abasaga 10 ni bo bamaze kumenyekana ko baguye muri icyo gitero.

Abagabye ibitero bigambye ko igikurikiyeho ari ugufata igihugu nkuko Ibiro Ntaramakuru by’Abongereza (Reuters) byabitangaje.

Ababyeyi basabwe kugumisha abana mu ngo zabo, Leta na yo isaba ahubwo ko bajya mu mashuri. Imitwe yagabye ibitero yasabye ko Minisitiri w’Intebe, Ariel Henry, yegura mu nshingano ze.

Ishami ry’Umuryango w’Abibumbye, Loni, rishinzwe iby’abimukira (OIM) rivuga ko mu minsi itatu gusa abagera ku bihumbi 15, ari bo bamaze guhunga ubugizi bwa nabi buvugwa ku murwa mukuru wa Haiti, Port-au Prince.

Amashyirahamwe mpuzamahanga yategetswe guhagarika ibikorwa byayo kubera ikibazo cy’umutekano. Ejo ku wa Mbere, ubuzima bwasaga nk’ubwahagaze mu Murwa Mukuru, Port-au-Prince.

Amashuri, amabanki, n’indi mirimo irimo iya Leta ntibyakoze. Imihanda myinshi yari ifunze, mu gihe imihanda itari ifunze yarimo umukwabo ukaze.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27