Abanyakenya 40 bazitabira irushanwa ryo koga mu Rwanda

Abanyakenya 40 bazitabira irushanwa ryo koga mu Rwanda

Ishyirahamwe ry’umukino wo koga muri Kenya ryatangaje ko rigiye kohereza abakinnyi 4o mu irushanwa ryo koga ryitwa”CANA Zone 3 Swimming Championships” ritegerejwe mu Rwanda tariki 23 kugeza 26 Ugushyingo 2023.

Umuyobozi w’iryo shyirahamwe Maureen Owiti, aganira n’ikinyamakuru The Star cyo muri Kenya, yavuze ko abakinnyi batoranyijwe bizeye ko bazahesha igihugu ishema.n

Yagize ati “Urebye abakinnyi batoranyijwe turizera ko bazahesha ishema igihugu cyacu muri iri rushanwa rizabera mu Rwanda.”

Umwaka ushize wa 2022 Kenya yohereje abakinnyi 43 barangiza ku mwanya wa kabiri n’amanota 2768, icyo gihe irushanwa ryari ryabereye i Dar-es-Salaam muri Tanzania ari na cyo gihugu cyaryegukanye ku manota 3061.

Iyi mikino igiye gukinwa ku nshuro ya munani izatangira tariki 23 kugeza 26 Ugushyingo 2023, Kenya ikaba yaratangiye ibikorwa by’amajonjora mu Turere dutandukanye uhereye i Nairobi, Kajiado, Mombasa, Nakuru na Kisumu.

U Rwanda rwaherukaga kwakira iri rushanwa ryo koga “CANA Zone 3 Swimming Championships” muri 2016; icyo gihe ryabereye mu Karere ka Bugesera kuri Pisine ya Hoteli La Palisse i Nyamata.

SHEMA IVAN

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27