Abanya-Kigali bibukijwe kwirinda kubaka akajagari

Abanya-Kigali bibukijwe kwirinda kubaka akajagari

Minisitiri w’Ubutegetsi bw’Igihugu, Musabyimana Jean Claude, yibukije abaturage batuye mu Karere ka Kicukiro n’Umujyi wa Kigali kwirinda kubaka akajagari.

Yabigarutseho mu gitondo cyo kuri uyu wa Gatandatutariki 24 Gashyantare 2024 mu gikorwa cy’umuganda rusange usoza ukwezi kwa Gashyantare.

Ni umuganda wakorewe i Bwerankori mu Murenge wa Kigarama mu Karere ka Kicukiro mu Mujyi wa Kigali, ukorwa n’abashyitsi baturutse mu gihugu cya Ghana.

Wanitabiriwe kandi na Meya w’Umujyi Dusengiyumva Samuel, Urwego Nshingwabikorwa rw’Akarere ka Kicukiro, inzego z’umutekano bafatanya n’abaturage gutema ibihuru no gusibura inzira z’amazi.

Minisitiri Musabyimana yashimye abitabiriye umuganda avuga ko umuganda ari uburyo bwo kwishakamo ibisubizo abasaba kwirinda imyubakire y’akajagari.

Yagize ati: “Ndasaba abaturage b’Akarere ka Kicukiro n’Umujyi wa Kigali muri rusange kwirinda imyubakire y’akajagari.”

Abaturage bakora ubuzunguzayi basabwe kubureka, bakegera ubuyobozi bukabafasha muri gahunda zigamije gufasha abaturage b’amikoro make kwikura mu bukene.

Amafoto: Anaclet Ntwari

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27