Abantu babiri baguye mu mpanuka kuri Noheli

Abantu babiri baguye mu mpanuka kuri Noheli

Abantu babiri ni bo bishwe n’impanuka mu bice bitandukanye by’Igihugu ku munsi ubanziriza uwa Noheli no kuri Noheli.

Umuvugizi wa Polisi y’Igihugu, ACP Boniface Rutikanga, yavuze ko muri rusange umutekano wagenze neza mu minsi ibiri ya Noheli nubwo babiri baburiye ubuzima mu mpanuka ebyiri zabaye mu Rwanda hose.

Yagize ati “Mu by’ukuri Noheli yagenze neza n’iminsi yayibanjirije, uretse impanuka  ebyiri gusa ya moto yabaye tariki ya 24 Ukuboza 2024, n’indi y’igare yabaye mu Karere ka Gicumbi.”

Polisi y’u Rwanda yatangaje ko impanuka y’igare yabereye mu Karere ka Gicumbi mu Ntara y’Amajyaruguru, uwari utwawe yitabye Imana kubera umuvuduko umunyegare yagenderagaho.

ACP Rutikanga avuga ko uwa Moto yashatse gutambuka ku muntu utwaye imodoka ariko aza kugongwa.

Umuvugizi wa Polisi  wa Polisi asaba  abantu kwitwararika muri iyi minsi mikuru bazirikana umutekano wabo n’ibyabo.

Ati “ Umwuka (mood ) w’iminsi mikuru uracyari mu bantu, ni ugukomeza kuzirikana umutekano wabo n’ibyabo n’uwabaturanyi. Ni ugukomeza kuzirikana kugenda neza mu mihanda, birinda gutwara banyoye ibisindisha, kugendera ku muvuduko ukabije.”

Akomeza kandi agira ati: “ Abantu banywe, banezerwe ariko mu kigero bidateza ibibazo.”

ACP yasabye kandi abantu muri rusange kwirinda kwinezeza gusa ahubwo abafite abanyeshuri, bagatekereza ko bagomba kubitaho, birinda gusesagura.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27