Ku isoko ry’umurimo hagiye gushyirwa abasizi bashya

Ku isoko ry’umurimo hagiye gushyirwa abasizi bashya

Nyuma y’amahugurwa bahabwaga na Siga Rwanda abasizi umunani bakizamuka bagiye gushyirwa ku isoko ry’umurimo mu birori biteganyijwe byo kubaha impeta z’ishimwe byiswe Umutagara w’Ibyanzu.

Ni amahugurwa yateguwe n’umuryango wa Imbuto Foundation muri gahunda yayo ya Art Rwanda ubuhanzi, atangwa na Siga Rwanda nk’urubuga rw’ikoranabuhanga rugurishirizwaho ibisigo by’Ikinyarwanda.

Mu kiganiro yagiranye na Imvaho nshya kuri uyu wa Kane tariki 19 Nzeri 2024, umusizi akaba n’umuyobozi Mukuru w’urwo rubuga Junior Rumaga yavuze ko abahawe amahugurwa batoranyijwe hagendewe ku ibazwa.

Yagize ati: “Byatangiye dushaka guhera ku bana batsinze muri Art Rwanda Ubuhanzi, nyuma biba ngombwa ko byaguka twongeramo n’abandi, iyo ugiye kwitabira hashingirwa ku ibazwa abatsinze tukabafata tukabahugura.”

Yongeraho ati: “Impamvu twahereye kuri Art Rwanda Ubuhanzi, ni uko abana twafashe bari banyuze mu bizamini bimera nk’ibyo Siga Rwanda itanga. Ni igikorwa gikomeje, kuko gufata abandi bazahugurwa mu cyiciro gikurikiraho, twatangiye kubakira no kubakoresha isuzuma.”

Uyu muyobozi avuga ko ishuri ry’ubusizi rizakomeza kuko ryatangiye no kubakwa nk’uko urwo rubuga rwari rusanzwe rukora mu buryo bw’ikoranabuhanga, gusa rugacuruza ibisigo by’Ikinyarwanda biri mu nyandiko, amajwi cyangwa amashusho. Kuri ubu hakaba haraniyongereyeho guhugura abakiri bato biyumvamo impano y’ubusizi kandi babukunda ku buryo byarenga impano bikabaviramo n’imirimo.

Rumaga avuga ko uretse guhugura abasizi bakizamuka, Siga Rwanda iteganya kujya ikora ibitaramo by’ubusizi ngarukakwezi.

Ati:  “Turimo turategura ko twazajya tubataramira buri kwezi, vuba cyane tuzabamenyesha igihe.”

Aya mahugurwa yari amaze igihe cy’amezi atatu, bikaba biteganyijwe ko abayasoje bazahabwa impeta z’ishimwe ku wa Gatanu tariki 20 Nzeri 2024, mu gitaramo cyiswe Umutagara w’Ibyanzu, aho abahuguwe barimo abakobwa batanu n’abahungu batatu.

Junior Rumaga U muyobozi mukuru wa Siga Rwanda
N’abafite abana ntibahejwe mu mahugurwa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27