Mali: Abitwaje intwaro bagabye igitero ku kigo cya gisirikare

Mali: Abitwaje intwaro bagabye igitero ku kigo cya gisirikare

Abayobozi b’igisirikare cya Mali batangaje ko baburijemo igitero cyagabwe ku kigo cya gisirikare i Bamako nyuma yuko abantu bitwaje intwaro bagerageje gushaka kwigarurira umujyi.

Kuri uyu wa Kabiri, ingabo z’iki gihugu zatangaje ko zirimo gucunga umutekano neza kandi ziri kugenzura umurwa mukuru nyuma yo kurwanya abitwaje intwaro  bateye ikigo cya gisrikare i Bamako.

Ikigo cya gisirikare giherereye mu Karere ka Feladie mu majyepfo y’uburasirazuba hafi n’ikibuga cy’indege mpuzamahanga na cyo bivugwa ko cyumvikanyeho urusaku rw’amasasu mu gitondo.

Mu rukerera kandi itsinda ry’abitwaje intwaro ryashatse kwinjira mu kigo cya gisirikare i Faladie ndetse, igisirikare cyahamagariye abaturage kwirinda gutemberera muri ako gace kugeza igihe Leta isohoreye itangazo.

Ikibuga cy’indege mpuzamahanga cya Bamako Modibo Keita cyabaye gifunzwe by’agateganyo kubera imvururu, nk’uko ubuyobozi bwabitangarije ibiro ntaramakuru by’Abafaransa, AFP.

Mali iyobowe na Guverinoma ya gisirikare kuva cyahirika ubutegetsi mu 2020, yibasiwe n’imitwe myinshi y’inyeshyamba irimo imitwe ifitanye isano n’inyeshyamba ziyitirira idini ya Isilamu, al-Qaeda na ISIL (ISIS).

Ku buyobozi bwa Colonel Assimi Goita kandi  Mali yahagaritse umubano n’ibihugu by’abafatanyabikorwa nk’u Burayi n’u Bufaransa, maze yifatanya n’u Burusiya bwanabahaye abarwanyi b’abacancuro,ba ’Wagner’, ngo babashyigikire.

Mu gitero cyagabwe ku nyeshyamba mu 2022 aba bacancuro barezwe guhohotera abasivili nubwo ibyo birego babihakanye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27