Umuhanzi Oda Paccy ntakeneye kumva umubaza ibijyanye na Lick Lick

Umuhanzi Oda Paccy ntakeneye kumva umubaza ibijyanye na Lick Lick

Umuhanzi uzamberumwana Pacifique uzwi cyane nka Odda Paccy avuga ko atagishaka umuntu uzajya amubaza kuri Isaac Mbabazi wamenyekanye mu gutunganya umuziki nka Lick Lick babyaranye.

Mu kiganiro yagiranye n’itangazamakuru Paccy yavuze ko yagerageje nk’umubyeyi ngo ahuze Lick Lick n’umwana we ariko ntibigende neza.

Yagize ati: “Ntihakagire umuntu uza ngo yirirwe abigiraho mwiza abihishemo ampindure mubi, njye ampindura mubi mu bantu, nk’umubyeyi nakoze icyo nagombaga gukora ngo umwana ahure na Se, nkimara kumubwira nti ntabwo ngishaka kuvugana nawe, umwana wawe amaze gukura, mu kiruhuko aba afite telefone ujye umuhamagara, icyo yakoze ni iki, yaborotse umwana (block).”

Arongera ati: “Ni yo mpamvu umuntu uzajya aza ahantu ndi akanzanira ibintu by’amazina ngo ya Lick Lick n’ibindi nzajya mu kuboloka nanamubaze n’icyo uwo muntu akora, kuko ntawe nzi, naramubwiye nti njyewe nakomereka ariko ntabwo nkeneye ko umwana wanjye agwa mu bikomere byawe, kuko umwana yigeze kumubwira ijambo ngo uzicuza.”

Mu 2011, ni bwo Oda Paccy yibarutse umwana w’umukobwa yise Lynca Mbabazi, avuga ko yabyaranye na Mbabazi Isaack uzwi nka Lick Lick nubwo Lick Lick yabyihakanye.

Oda Paccy avuga ko ageze kure umushinga wa alubumu ye ya gatatu ari na yo ya nyuma yifuza gukora mu muziki amazemo imyaka igera kuri 15.

Ngo ni wo mushinga amaze igihe ahugiyeho, mu gihe amaze atagaragara mu muziki.

Kuri ubu akaba afite indirimbo yise Birakureba iba igaruka kuri byinshi mu marorerwa asigaye akorerwa ku Isi, ibyo avuga ko ngo ari inkovu z’imihanda.

Odda azwi mu ndirimbo zitandukanye zirimo Ibyatsi, Ngicyo, Birakureba aherutse gushyira ahagaragara, n’izindi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27