Kirehe: Imvura yasenye ibyumba by’amashuri 11

Kirehe: Imvura yasenye ibyumba by’amashuri 11

Imvura yaguye ku gicamunsi cyo kuri uyu wa Gatandatu, tariki 07 Nzeri 2024 yasenye ibisenge by’ ibyumba by’amashuri 11 ku Rwunge rw’Amashuri Migongo riri mu Kagari ka Nyarutunga; mu Murenge wa Nyarubuye, mu Karere ka Kirehe.

Umuyobozi w’Akarere ka Kirehe Wungirije ushinzwe iterambere ry’Ubukungu, Nzirabatinya Modeste yavuze ko imvura yaguye mu ma saa munani (14h00) yari ivanze n’umuyaga mwinshi usenya ibisenge by’amashuri ariko ntihagira umuturage ugira ikibazo.

Yagize ati: “Hari umuyaga mwinshi uvanze n’imvura ku gicamunsi saa munani, ni wo rero wasambuye ibyumba by’amashuri ariko ku bw’amahirwe ntihagira umuturage ugira ibyago.”

Nzirabatinya Modeste yakomeje avuga ko nubwo bibaye mu itangira ry’amashuri, nta mpungenge zihari zo kubura aho abanyeshuri bigira kuko ku bufatanye na Minisiteri y’Ibiza (MINEMA) bari gufatanya n’ubuyobozi bw’ishuri.

Ati: “Ku bufatanye n’ishuri hari ubutabazi bw’ibanze turi gukora byafasha abana kandi turi kureba uko twasubizaho ibisenge n’amabati ariko kandi twakoranye na MINEMA ku buryo twizera ko mu gihe cya vuba hasanwa ariko abana bo baziga.”

Yakomeje agira ati: “Abana baraba bakoresha ibindi byumba by’amashuri mu gihe tukiri gusana ibyangiritse.”

Ubuyobozi bw’Akarere ka Kirehe buvuga ko muri iki gihe basabwa kuzirika ibisenge by’inzu zabo no gufata amazi kugira ngo adatwara ubutaka n’ibindi, kwirinda gutura mu manegeka; kandi asaba abahatuye kuhimuka bakajya gutura ahadashyira ubuzima bwabo mu kaga.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27