Kenya: Inkongi y’umuriro yishe abanyeshuri 17 ikomeretsa abarenga 10

Kenya: Inkongi y’umuriro yishe abanyeshuri 17 ikomeretsa abarenga 10

Inkongi y’umuriro yibasiye Ishuri ribanza rya Hillside Endarasha Academy riri muri Kenya rwagati mu ntara ya Nyeri, yahitanye abanyeshuri 17 isiga abandi 13 bakomeretse bikabije.

Kuri uyu wa Gatanu, Polisi yatangaje ko  abakomeretse bajyanwe mu bitaro nyuma yuko ishuri ribanza rayu Hillside Endarasha rinacumbikira abaryigamo rikongotse kandi ko umubare w’abapfuye ushobora kwiyongera.

Imyirondoro n’imyaka y’abishwe n’umuriro  ntabwo iramenyekana gusa iri shuri ryakira abanyeshuri 800 kandi bari hagati y’imyaka itanu n’umunani.

Ishuri ryibanze ryakira abanyeshuri bagera kuri 800, bafite hagati yimyaka itanu na 12.

Umuvugizi wa polisi, Resila Onyango, yatangaje ko hakiri gukorwa iperereza ku cyateye iyi nkongi yo mu ijoro ryo ku wa Kane, ndetse akomeza avuga hagiye gufatwa ingamba z’ubwirinzi.

Onyango yatangarije ibiro Ntaramakuru by’Abafaransa AFP ati: “Imirambo yabonetse yari yakongotse ku buryo utamenya umuntu.” 

Mu kiganiro kuri radiyo Hot 96 FM yo muri Kenya, Onyango yavuze ko inzego zibishinzwe ziri gukurikirana ngo zisuzume ibyangiritse byose. 

Perezida wa Kenya William Ruto abinyujije ku rubuga rwa ‘X’ yavuze ko amakuru yiyi mpanuka “ateye ubwoba” kandi ko ababishinzwe bagomba kubiryozwa. 

Ati: “Nategetse inzego zibishinzwe gukora iperereza ryimbitse kuri iyi nsanganya. Kandi abo bireba  bazabibazwa.”

Umuyobozi wungirije wa Perezida, Rigathi Gachagua, yasabye abayobozi b’ibigo kureba niba amabwiriza y’ubwirinzi  yasabwe na Minisiteri y’Uburezi ku mashuri acumbikira abana yubahirizwa ndetse anihanganisha imiryango yaburiye abana muri iyi mpanuka avuga yo bifatanyije nabo muri ibi bihe bitoroshye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27